قانون نافذ کرنے والے اداروں کی بڑی کامیابی۔ انسانی اسمگلنگ میں ملوث بین الاقوامی گروہ پکڑلیا۔ نیٹ ورک سادہ لوح شہریوں کو بیرون ملک روزگار کے جھانسے دے کر لوٹنے میں ملوث تھا۔ نیٹ ورک کا انٹرنیشنل ڈنکی گروپوں سے رابطے کا بھی انکشاف ہوا ہے۔
انٹیلی جنس ایجنسیوں کی نشاندہی پر ایف آئی اے نے انسانی سمگلنگ کا بین الاقوامی نیٹ ورک رنگے ہاتھوں پکڑلیا گیا۔ نیٹ ورک سادہ لوح عوام کو بیرون ملک روزگار کے جھانسے دے کر کروڑوں روپے ہتھیاتا تھا۔ گروہ جعلی دستاویزات کی تیاری میں مہارت رکھتا تھا، اپنا پرنٹنگ پریس بھی تھا جس میں کئی ملکوں کی جعلی دستاویزات تیار کی جاتی تھیں۔
مزید پڑھیں:ویزا فراڈ اور انسانی اسمگلنگ میں ملوث 5 ملزمان گرفتار، 187 پاکستانی پاسپورٹ برآمد
نیٹورک کے مختلف ممالک میں سیاسی پناہ لینے والے افراد بھی اس گروہ سے معاونت لیتے رہے ہیں۔ نیٹ ورک کا انٹرنیشنل ڈنکی گروہوں سے بھی رابطے کا انکشاف ہوا ہے جس میں بھارتی اور افغانی باشندے ملوث ہیں۔ دورانِ تفتیش پاکستان کو بدنام کرنے کی بھارتی سازش بھی بے نقاب ہوئی ہے۔
وزیر داخلہ محسن نقوی نے کہا کہ یہ کامیاب آپریشن انسانی اسمگلنگ کے خلاف پاکستان کی کارروائیوں میں ایک اہم سنگ میل ہے۔ انٹیلیجنس ایجنسی کی معلومات پر ایف آئی اے لاہور نے کامیاب آپریشن کیا جس پر مبارکباد دیتا ہوں۔ انسانی سمگلنگ روکنے کے اس طرز پر مزید آپریشن جاری رکھیں جائیں گے۔
