سینیٹ میں جادو ٹونے کی روک تھام سے متعلق فوجداری قوانین میں ترمیم کا بل پیش کردیا گیا۔
یہ بھی پڑھیں: مالدیپ کے صدر پر کالا جادو کرنے کا الزام، خاتون وزیر کو نظر بند کر دیا گیا، پولیس کا تفصیل بتانے سے انکار
سینیٹر ثمینہ ممتاز کی جانب سے فوجداری قوانین میں ترمیم کا بل سینیٹ میں پیش کیا گیا جو بل جادو ٹونے کی روک تھام سے متعلق ہے۔
بل میں کہا گیا ہے کہ جو شخص جادو کرے یا اس کی تشہیر کرے اسے 6 ماہ سے7 سال تک قید ہوگی۔ جرم کے مرتکب کو 10 لاکھ روپے تک جرمانہ ہوگا اور جرم ناقابل ضمانت ہوگا۔
علاوہ ازیں صدر، وزیر سمیت پبلک آفس رکھنے والوں کی کم ازکم تعلیم گریجویشن ہونےکا آئینی ترمیمی بل بھی سینیٹ میں پیش کردیا گیا۔
مزید پڑھیے: بھارتی کرکٹ بورڈ نے پاکستان ٹیم پر کالا جادو کروایا تھا، حریم شاہ
بل میں کہا گیا ہےکہ صدر مملکت، وزیر اعظم، گورنر، وزیر اعلیٰ، چیئرمین اور ڈپٹی چیئرمین سینیٹ، اسپیکر اور ڈپٹی اسپیکر، وفاقی و صوبائی وزرا اور وزرامملکت کی تعلیمی قابلیت کم از کم گریجویشن ہونی چاہیے۔
