افغانستان اور نیوزی لینڈ کے درمیان ٹیسٹ میچ بھارت میں شیڈول تھا جو تاحال شروع نہیں ہو سکا۔ یہ میچ انڈیا کے دارالحکومت دہلی کے قریب واقع گریٹر نوئیڈا کرکٹ اسٹیڈیم میں کھیلے جانے ہیں لیکن ٹیسٹ کا پہلا روز آؤٹ فیلڈ گیلی ہونے کی وجہ ضائع ہو گیا۔
ٹیسٹ سے پہلے گراؤنڈ اسٹاف نے افغانستان کے تربیتی سیشن کے لیے گراؤنڈ کو خشک کرنے کے لیے ٹیبل پنکھوں کا استعمال بھی کیا تھا مگر وہ سارا دن گراؤنڈ خشک ہونے کا انتظار کرتے رہے۔ افغانستان بورڈ آفیشل نے گریٹر نوئیڈا اسٹیڈیم کی سہولیات پر کڑی تنقید بھی کی ہے۔
سوشل میڈیا پر ایک ویڈیو بھی وائرل ہو رہی ہے جس میں دیکھا جا سکتا ہے کہ گریٹر نوئیڈا کرکٹ اسٹیڈیم میں مڈ وکٹ ایریا کا ایک حصہ کھودا جا رہا ہے اور اس سے مرکزی گراؤنڈ کی آؤٹ فیلڈ میں لگایا جا رہا ہے تاکہ میچ شروع کیا جا سکے۔
The groundsmen at the Greater Noida Stadium have been cutting patches of grass from the practice facility and installing them in the outfield of the main ground. 😓#AFGvNZ | Video: @ShayanAcharya/@rvmoorthyhindu pic.twitter.com/D0ut1YjZgz
— Sportstar (@sportstarweb) September 10, 2024
سوشل میڈیا صارفین بھی ناقص انتظامات پر انڈیا کو تنقید کا نشانہ بنا رہے ہیں۔ ایک صارف نے ویڈیو پر تبصرہ کرتے ہوئے کہا کہ انہیں کرکٹ میں کچھ نیا دیکھنے کو مل رہا ہے۔
Not a good morning from Greater Noida! They have dug a part of the midwicket area and are trying to fix it with some dry patches of grass and soil. Something new I have seen in cricket.#AFGvNZ pic.twitter.com/46ZwYZoqmQ
— Daya sagar (@sagarqinare) September 10, 2024
ایک صارف نے کہا کہ ٹیسٹ میچ کے لیے اس گراؤنڈ کی منظوری کیسے دی گئی ہے؟ کیا یہاں پہلے سے کسی چیز کو چیک نہیں کیا گیا تھا، صارف کا مزید کہنا تھا کہ یہ بھارتی کرکٹ بورڈ اور افغانستان کرکٹ بورڈ دونوں کے لیے شرمناک ہے۔
Honestly how did this ground even get approved? Were there no checks before? Quite embarrassing for both @BCCI and @ACBofficials https://t.co/bLz8JfBW0t
— Sandeep Iyer (@Just_Sandman) September 10, 2024
ایک ایکس صارف نے بھارتی کرکٹ بورڈ کو آڑے ہاتھوں لیتے ہوئے کہا کہ انڈیا میں ان گنت اسٹیڈیم ہیں لیکن امیر ترین بھارتی کرکٹ بورڈ نے بین الاقوامی ٹیسٹ میچ کے لیے ناقص سہولیات والا گراؤنڈ ہی مختص کیا۔
Countless stadiums in the country and Richest board allocated tinpot ground for an International Test match. https://t.co/nyDWd8W4sD
— Ragav 𝕏 (@ragav_x) September 10, 2024
ایک بھارتی صارف نے تنقید کرتے ہوئے کہا کہ یہ بہت شرمناک ہے ساتھ ہی ان کا کہنا تھا کہ وہ لوگ کہاں ہیں جو بلا مقابلہ آئی سی سی کا صدر منتخب ہونے والے جے شاہ کی تعریفیں کرتے نہ تھکتے تھے۔
صارف کا کہنا تھا کہ حالیہ دنوں میں یہ پہلا موقع نہیں ہے جب بین الاقوامی کھیلوں کے لیے غیر معیاری سہولیات والے میدان استعمال کیے گئے ہوں۔
Embarrassing. Wonder where are those who were hailing the 'leadership skills' of the BCCI top man when he was elected as ICC President unopposed.
And this is not the first time in recent times when grounds with substandard facilities have been used for International games. https://t.co/Fn7yOB2SZb
— Gurkirat Singh Gill (@gurkiratsgill) September 10, 2024
واضح رہے کہ افغانستان واحد ٹیسٹ میچ کے لیے نیوزی لینڈ کی بھارت کے شہر نوئیڈا میں میزبانی کررہا ہے جہاں پہلا روز آؤٹ فیلڈ گیلی ہونے کی وجہ ضائع ہو گیا۔ اسٹیڈیم میں نکاسی آب کا سسٹم اچھا نہ ہونے اور آوٹ فیلڈ کو کور کرنے کی مناسب سہولیات نہیں تھیں جس کی وجہ سے گراؤنڈ میں کھڑے پانی کو سارا دن خشک نہ کیا جا سکا۔
حالانکہ نوئیڈا میں سارا دن بارش نہیں ہوئی لیکن پہلے روز ٹاس تک نہ ہو سکا۔ اے سی بی کے ایک نمائندہ نے کہا ہے کہ ’یہ بہت بڑی پریشانی ہے، ہم یہاں کبھی واپس نہیں آئیں گے، کھلاڑی یہاں کی سہولیات سے بھی ناخوش ہیں۔‘
