جمعیت علمائے اسلام کے سربراہ مولانا فضل الرحمان نے کہا کہ انتظار کریں، آج ہمارے پاس قوم کے لیے خوشخبری ہے۔
اتوار کوحکومتی اوراوراپوزیشن کے وفود سے ملاقاتوں کے بعد جمعیت علمائے اسلام کے سربراہ مولانا فضل الرحمان خصوصی کمیٹی کے اجلاس میں شرکت کے لیے پارلیمنٹ ہاؤس پہنچے تو صحافیوں نے سوالوں کی بوچھاڑ کر دی لیکن مولانا فضل الرحمان مختصر جواب دیتے ہوئے آگے بڑھتے گئے۔
یہ بھی پڑھیں:آئینی ترامیم کے لیے نمبر گیم پوری ہے، اسحاق ڈار کا دعویٰ
مولانا فضل الرحمان سے پوچھا گیا کہ ان کے پاس حکومت کے لیے خوشخبری ہے یا اپوزیشن کے لیے، تو انہوں نے مختصرجواب دیتے ہوئے کہا کہ ’میرے پاس قوم کے لیے خوشخبری ہے‘۔
ان سے پھرسوال کیا گیا کہ آئینی ترمیم کے حوالے سے آج آپ کا نقطہ نظرکیا ہے تو مولانا فضل الرحمان نے کہا کہ انتظار کریں آپ سب سن لیں گے۔
یہ بھی پڑھیں:آرٹیکل 63 اے کو اصل شکل میں لایا جائے گا، وفاقی وزیر قانون
ایک اور صحافی نے سوال کیا کہ مولاناصاحب! آپ جمہوریت کے ساتھ کھڑے ہیں یا حکومت کے ساتھ تو انہوں نے جواب دیا کہ ’میں آپ کے ساتھ کھڑا ہوں‘۔
یہ بھی پڑھیں:آئینی ترمیم: نواز شریف اور وزیر اعظم کا ایک بار پھر مولانا فضل الرحمان سے ملاقات کا امکان
مولانا فضل الرحمان مختصراً جواب دیتے ہوئے خصوصی کمیٹی کے اجلاس میں شرکت کے لیے کمرے میں چلے گئے، خصوصی کمیٹی کا یہ چوتھا اجلاس ہو گا جس میں حکومتی اور اپوزیشن جماعتوں کے اراکین اسمبلی شریک ہو رہے ہیں۔
