خصوصی پارلیمانی کمیٹی کے اجلاس میں جمعیت علمائے اسلام کے سربراہ مولانا فضل الرحمان نے آئینی ترمیمی بل کو مؤخر کرنے اور اس پر مزید مشاورت کا مشورہ دیا ہے۔
یہ بھی پڑھیں:ترمیمی بل آج پیش کیا جائے یا کل فیصلہ خصوصی کمیٹی فیصلہ کریگی ، صادق سنجرانی
اتوار کو رات گئے پارلیمان کی خصوصی کمیٹی کا اجلاس پاکستان پیپلز پارٹی کے سینیئر رہنما خورشید شاہ کی سربراہی میں جاری رہا جس میں حکومتی اور اپوزیشن ممبران نے شرکت کی۔
اجلاس میں اپوزیشن جماعتوں نے آئینی ترمیم کے بل پر مزید مشاورت کی تجویزدی ہے۔ کمیٹی کے اجلاس سے خطاب کرتے ہوئے جمعیت علمائے اسلام (ف) کے سربراہ مولانا فضل الرحمان نے حکومت کی جانب سے آئینی پیکج متعارف کرانے کے حوالے سے مؤقف اختیار کیا ہے کہ ہمیں ابھی تک ترمیمی بل کا مسودہ موصول نہیں ہوا ہےہم اس کا جائزہ لیے بغیر اس کے حق میں ووٹ کیسے دے سکتے ہیں۔
یہ بھی پڑھیں:میرے پاس آج قوم کے لیے خوشخبری ہے، مولانا فضل الرحمان
مولانا فضل الرحمان نے کمیٹی میں تجویز دی کہ بل پیش کرنے میں جلد بازی نہ کریں، ہم نے خصوصی پارلیمانی کمیٹی کے اجلاس میں شرکت اسی لیے کی ہے کہ ہم یہاں اپنا مؤقف رکھ سکیں۔
مولانا فضل الرحمان نے مطالبہ کیا کہ آئینی ترمیم کے بل کا مسودہ اپوزیشن جماعتوں کو دیا جائے تاکہ اس کا بغور جائزہ لیا جا سکے اور پھر اس پر اتفاق رائے ہو، ہمارا مؤقف ہے کہ آئینی ترمیم کے بل کو مزید مشاورت تک مؤخر کیا جائے۔
