آسٹریلیا نے انگلینڈ کو 5 ون ڈے میچوں پر مشتمل سیریز کے پہلے میچ میں 7 وکٹوں سے شکست دے دی۔ دھواں دار بلے بازی اور سنسنی سے بھرپور اس میچ میں آسٹریلیا نے ٹریویس ہیڈ کے ناقابل شکست 154 رنز کی بدولت فتح حاصل کی۔
انگلینڈ میں کھیلی جارہی اس ون ڈے سیریز کے پہلے میچ میں انگلینڈ کی ٹیم نے پہلے کھیلتے ہوئے تمام وکٹوں کے نقصان پر 315 رنز بنائے۔ انگلینڈ کی جانب سے اوپنر بین ڈکٹ اپنا پہلا ون ڈے میچ کھیل رہے تھے، وہ 91 گیندوں پر 95 رنز بنا کر آؤٹ ہوئے۔
یہ بھی پڑھیں: ون ڈے سیریز: افغانستان کے ہاتھوں جنوبی افریقہ کو اپ سیٹ شکست
انگلینڈ کے ول جیکس نے 62، کپتان ہیری بروک نے 39 اور جیکب بیتھل نے 35 رنز بنائے، انگلینڈ کا باقی کوئی بھی کھلاڑی نمایاں اسکور نہ بنا سکا۔ آسٹریلیا کی جانب سے ایڈم زیمپا اور مارنس لیبوشین نے 3، 3، ٹریویس ہیڈ نے 2 جبکہ بین ڈوارشوئس اور میتھیو شارٹ نے ایک، ایک وکٹ حاصل کی۔
An explosive 💯 but Australia will want more from their talisman opener 🔥
Travis Head brings up a ton with a celebration worthy of the feat 💪
Watch #ENGvAUS 1️⃣st ODI LIVE on #SonyLIV 📲 pic.twitter.com/BTNhkcHmOQ
— Sony LIV (@SonyLIV) September 19, 2024
آسٹریلیا نے میزبان انگلینڈ کا 315 رنز کا بڑا ہدف 36 گیندوں قبل ہی حاصل کرلیا۔ چوتھے اوور میں کپتان مچل مارش کے آؤٹ ہونے کے بعد ٹریویس ہیڈ نے جیت کا بیڑہ اٹھایا اور شاندار بلے بازی کرتے ہوئے 129 گیندوں پر ناقابل شکست 154 رنز جڑ دیے۔
یہ بھی پڑھیں: ٹی۔20 سیریز کا پہلا میچ: جنوبی افریقہ کی ویمنز ٹیم نے گرین شرٹس کو 10 رنز سے شکست دیدی
آسٹریلیا کی جانب سے اسٹیون اسمتھ اور کیمرون گرین نے 32، 32 رنز بنائے۔ مارنس لیبوشین 61 گیندوں پر 77 رنز بنا کر ناٹ آؤٹ رہے۔ آسٹریلیا نے 3 وکٹوں کے نقصان پر 317 بنا کر ہدف 44 اوورز میں ہی حاصل کرلیا۔
واضح رہے کہ آسٹریلیا نے پانچ میچوں کی سیریز میں 0-1 کی برتری حاصل کرلی ہے۔ آسٹریلیا اور انگلینڈ کے درمیان دوسرا ون ڈے میچ کل، تیسرا 24 ستمبر، چوتھا ون ڈے 27 ستمبر اور پانچواں اور آخری میچ 29 ستمبر کو کھیلا جائے گا۔
