کراچی سے لاہور پہنچنے والی نجی ایئرلائن کی پرواز نے ہنگامی لینڈنگ کی ہے، اور اس دوران مسافروں کو سلائیڈز کے ذریعے نکالا گیا۔
میڈیا رپورٹس کے مطابق کسی بھی صورتحال سے نمٹنے کے لیے فائربریگیڈ ٹیموں اور ایمبولینس کو بھی جہاز کی لینڈنگ سے قبل طلب کرلیا گیا تھا۔
کراچی سے لاہور پہنچنے والی پرواز کی ایمرجنسی لینڈنگ، مسافروں کو سلائیڈز کے ذریعے نکالا گیا کراچی سے لاہور پہنچنے والے نجی ائیرلائن کے طیارے نے ائیرپورٹ پر ایمرجنسی لینڈنگ کی ہے۔ جہاز کے تمام دروازے کھول کر مسافروں کو سلائیڈز کے ذریعے نکالا گیا۔ جہاز کے اندر 31 مسافر سوار تھے. pic.twitter.com/uKHFPWzxT9
— Waqas Shafi 🇵🇰 (@mwaqassshafi) September 23, 2024
میڈیا رپورٹس میں بتایا جارہا ہے کہ جہاز کی ایمرجنسی لینڈنگ سے قبل اس کی کارگو سائید سے دھواں اٹھ رہا تھا، مسافروں کو جب نکالا گیا تو انہیں کوئی سامان اٹھانے کی اجازت نہیں ملی۔
مسافروں نے بتایا کہ جہاز کی لینڈنگ سے کچھ دیر قبل عملہ دباؤ میں دکھائی دیا، اور لینڈنگ سے قبل ایئر پریشر چیک کیا جاتا رہا۔
میڈیا رپورٹس کے مطابق ایئرپورٹ ذرائع نے بتایا ہے کہ جہاز کے غیرملکی کپتان نے بحفاظت ہنگامی لینڈنگ کی۔
ایئرپورٹ ذرائع نے میڈیا کو بتایا کہ جہاز میں عملے کے افراد سمیت 171 مسافر سوار تھے اور سب محفوظ رہے، تاہم جہاز کی ہنگامی لینڈنگ کی مکمل وجوہات ابھی تک سامنے نہیں آسکیں۔
