بھارت کے شہر بنگلورو میں ایک فلیٹ سے شادی شدہ خاتون کی لاش ملی ہے جسے ٹکڑے کرکے فریج میں محفوظ کردیا گیا تھا۔
بھارتی میڈیا کے مطابق، مقتولہ مہالکشمی کے شوہر ہیمنت داس نے الزام عائد کیا ہے کہ اس کی بیوی کو اس کے آشنا اشرف نے قتل کیا ہے۔ ہیمنت داس کا کہنا ہے کہ اشرف کا تعلق اترکھنڈ سے ہے، جس کے خلاف چند ماہ قبل اس نے بنگلورو پولیس اسٹیشن میں ایک شکایت بھی درج کرائی تھی۔
یہ بھی پڑھیں: بھارت میں خاتون ڈاکٹر کے ریپ اور قتل کے بعد نرس بھی زیادتی کا شکار
میڈیا رپورٹس کے مطابق، ہیمنت داس اور مہالکشمی کی 6 برس قبل شادی ہوئی تھی اور ان کی ایک بیٹی بھی ہے۔ دونوں میاں بیوی میں اکثر لڑائی جھگڑا رہتا تھا اور 9 ماہ قبل دونوں الگ رہنے لگے تھے۔
موبائل شاپ پر کام کرنے والے ہیمنت داس کا کہنا ہے کہ اشرف ایک حجام کی دکان پر کام کرتا ہے، بیوی کے ساتھ اس کے معاشقے کا گزشتہ برس اپریل میں پتا چل گیا تھا، میں مہا لکشمی کے ساتھ رابطے میں تھا لیکن اس نے کبھی اس بارے میں نہیں بتایا۔ ہیمنت داس کا کہنا تھا کہ وہ 25 سے 30 دن قبل مہالکشمی سے ملا تھا جب وہ اس کی دکان پر آئی تھی۔
یہ بھی پڑھیں: بھارت یا پاکستان، کس ملک کی خواتین زیادہ خوبصورت ؟
کرناٹکا پولیس نے مہالکشمی کی ٹکڑے ہوئی لاش کو 22 ستمبر کو بنگلورو میں اس کے فلیٹ سے برآمد کیا۔ پولیس کے مطابق، اس کی لاش کے 30 ٹکڑے کیے گئے تھے۔ دوسری جانب، کرناٹکا کے وزیر داخلہ نے بتایا ہے کہ ملزم کی شناخت کرلی گئی ہے، اس کا تعلق مغربی بنگال سے ہے اور اسے جلد گرفتار کرلیا جائے گا۔
