اورنگی ٹاون کی طالبہ کے شناختی کارڈ کے اجرا کا معاملہ، متاثرہ طالبہ نے نادرا حکام کے خلاف عدالت سے رجوع کرلیا۔
اورنگی ٹاون، کراچی کی رائشی طالبہ انشرہ نے نادرا کی جانب سے شناختی کارڈ جاری نہ کیے جانے پر نادرا حکام کے خلاف عدالت سے رجوع کرلیا۔
یہ بھی پڑھیں:کوئٹہ میں گھریلو ناچاقی پر ماں نے 4 بیٹیوں کو قتل کرکے خودکشی کرلی
متاثرہ طالبہ انشرہ کے وکیل عثمان فاروق ایڈووکیٹ کے مطابق کے انشرہ والد کا 2017 میں قتل ہوا تھا، انشرہ کی والدہ کے خلاف والد کے قتل کا مقدمہ درج ہے۔
وکیل درخواست گزار کے مطابق والدہ مقدمے میں ضمانت پر رہا ہیں، لیکن شناختی کارڈ کے اجرا میں تعاون نہیں کررہی، ایسے میں نادرا حکام والدین کے بغیر شناختی کارڈ کا اجرا نہیں کررہے۔
عثمان فاروق ایڈووکیٹ کا موقف ہے کہ نادرا حکام کے پاس اختیار ہے کہ وہ والدین کے بجائے کسی اور رشتے دار کے بائیومیٹرک کی بنیاد پر شناختی کارڈ کا اجرا کرسکتا ہے۔
یہ بھی پڑھیں:شناختی کارڈ دیکھ کر لوگوں کو قتل کرنے والے لوگ
وکیل درخواست گزار عثمان فاروق ایڈووکیٹ کے مطابق شناختی کارڈ نہ ملنے سے لڑکی کی تعلیم متاثر ہورہی ہے۔ لڑکی نے انٹر پاس کرلیا ہے شناختی کارڈ کے بغیر گریجویشن میں داخلہ نہیں مل رہا۔
