بلوچستان کے شہر دالبندین میں جمعرات کو دو گروہوں میں تصادم ہوا جس کے دوران فائرنگ کے نتیجے میں دو افراد جاں بحق اور تین زخمی ہو گئے ہیں۔
تفصیلات کے مطابق ضلعی انتظامیہ کا کہنا ہے کہ دالبندین کے علاقے کروڑک میں زمین کے تنازع پر دو گروپوں میں فائرنگ کا تبادلہ ہوا جس کے نتیجے میں فائرنگ سے 2 افراد موقع پر جاں بحق جب کہ 3 افراد زخمی ہوگئے۔
ضلعی انتظامیہ کے مطابق واقع کے فوراً بعد امدادی ٹیمیں اور سیکیورٹی فورسز جائے وقوعہ پہنچی جہاں سے جاں بحق افراد کی لاشوں اور زخمیوں کو قریبی ڈی ایچ کیو منتقل کیا گیا۔
زمین کے تنازعے پر لڑنے والے دونوں گروہوں کا تعلق ایک ہی خاندان سے ہے۔ واقع میں جان افراد کی شناخت محمد آصف ولد بادل خان اور عبد الکریم ولد گمی خان جبکہ زخمیوں کی شناخت گل خان ولد بادل خان ، جان محمد ولد گمی خان اور حاجی بادل ولد گمی خان کے نام سے ہوئی ہے۔
تفصیلات کے مطابق زخمیوں میں ایک کی حالت اس وقت تشویشناک بتائی جا رہی ہے۔
واقعہ کے فوراً بعد ملزمان کی تلاش کے لیے سیکیورٹی فورس کی جانب سے کڑورک، امین آباد، بازگاز کے علاقوں میں کارروائی کی گئی لیکن کسی قسم کی گرفتاری عمل میں نہ آسکی تاہم معاملے کی مزید تفتیش جاری ہے۔
