وزیراعلیٰ پنجاب مریم نواز شریف نے کہا ہے کہ تحریک انصاف کے بھیس میں تحریک انتشار کا واحد مقصد ملک میں آگ لگانا ہے، یہ کسی رعایت یا نرمی کے مستحق نہیں۔
سوشل میڈیا پلیٹ فارم ایکس پر اپنے پیغام میں وزیراعلیٰ پنجاب مریم نواز شریف نے کہا کہ وہ ہمیشہ سے جو بات کہتی رہی ہیں کہ تحریک انصاف ایک دہشتگرد جماعت ہے اور یہ بات آج دُنیا کے سامنے آ گئی ہے کہ پی ٹی آئی سیاسی جماعت ہے، نہ تھی اور نہ ہوسکتی ہے۔
یہ بھی پڑھیں: پی ٹی آئی سیاسی کمیٹی کا ہنگامی اجلاس، فوج کی تعیناتی کے باوجود احتجاجی مارچ جاری رکھنے کا فیصلہ
ہمیشہ سے جو بات کہتی رہی ہوں، آج دُنیا کے سامنے آ گئی ہے۔ PTI سیاسی جماعت نا ہے، نا تھی اور نا ہو سکتی ہے۔ یہ ایک دہشت گرد جماعت ہے جو بار بار اپنے ہی ملک پر حملہ آور ہوتی ہے۔ ریاست کو انکے ساتھ وہی سلوک کرنا چاہیے جو دہشت گردوں کے ساتھ کیا جاتا ہے ورنہ بہت دیر ہو جائے گی۔
— Maryam Nawaz Sharif (@MaryamNSharif) October 5, 2024
وزیراعلیٰ پنجاب نے کہا کہ پی ٹی آئی کے لشکر میں فرنٹ لائنز میں تربیت یافتہ دہشت گرد شامل ہیں جن کو انہوں نے پولیس اور ریاست پر حملہ آور ہونے کے لیے استعمال کیا ہے، انہوں نے سوال اٹھایا کہ کون سا ملک یہ برداشت کرتا ہے۔
تحریک انصاف کے پتھراؤ سے زخمی پولیس اہلکار کی تصویر شیئر کرتے ہوئے مریم نواز شریف نے لکھا کہ کیا ایسی حرکت کوئی سیاسی جماعت کرسکتی ہے؟
تحریک انصاف کے بھیس میں تحریک انتشار کا واحد مقصد ملک میں آگ لگانا ہے۔ یہ کسی رعایت یا نرمی کے مستحق نہیں۔ ان کے لشکر میں فرنٹ لائنز میں تربیت یافتہ دہشت گرد شامل ہیں جن کو انھوں نے پولیس اور ریاست پر حملہ آور ہونے کے لیے استعمال کیا ہے۔ کون سا ملک یہ برداشت کرتا ہے؟
— Maryam Nawaz Sharif (@MaryamNSharif) October 5, 2024
یاد رہے کہ پی ٹی آئی کے احتجاج کے پیش نظر امن و امان کی صورتحال برقرار رکھنے کے لیے اسلام آباد اور پنجاب میں فوج تعینات کردی گئی ہے۔
یہ بھی پڑھیں: علی امین گنڈاپور کو گرفتار کرلیا گیا، عمر ایوب کا دعویٰ
نوٹیفکیشن کے مطابق آئین کے آرٹیکل 245 کے تحت پنجاب میں بھی فوج طلب کی گئی ہے، قواعد کے مطابق مسلح افواج کی تعیناتی پر حکومت پنجاب مدد کرے گی۔
اس سے قبل اسلام آباد میں گزشتہ رات ہی فوج کے دستے تعینات کردیے گئے تھے۔
