میانوالی کے قریب کاؤنٹر ٹیررازم ڈپارٹمنٹ (سی ٹی ڈی) کی کارروائی میں فتنہ الخوارج کے 7 خطرناک دہشتگرد ہلاک ہوگئے ہیں۔
ترجمان سی ٹی ڈی کے مطابق، میانوالی کے علاقے مکڑوال کے قریب انٹیلیجنس کی بنیاد پر کارروائی کی گئی، اس دوران دہشتگردوں نے سی ٹی ڈی ٹیم پر فائرنگ کی۔
یہ بھی پڑھیں: میانوالی: خوارجی دہشتگردوں کا پولیس چیک پوسٹ پر حملہ ناکام، 2 جوان زخمی
ترجمان کا کہنا تھا کہ فائرنگ کے تبادلے میں فتنہ الخوارج کے 7 خطرناک دہشتگرد ہلاک ہوگئے، جبکہ 8 خوارج فرار ہوگئے جن کی گرفتاری کے لیے سرچ آپریشن جاری ہے۔
ترجمان کا کہنا تھا کہ پاکستان میں چینی شہریوں، کاروباری اداروں اور پروجیکٹس کو سیکیورٹی اقدامات مزید مضبوط بنانے اور ہر ممکن تدابیر اختیار کرنے کی ہدایت کی ہے۔
واضح رہے کہ گزشتہ ماہ کے آغاز میں میانوالی میں فتنہ الخوارج کے دہشتگردوں نے رات کی تاریکی میں ایک پولیس چیک پوسٹ پر بھاری ہتھیاروں سے حملہ کیا تھا جس میں 2 جوان زخمی ہوگئے تھے، پولیس کی مؤثر جوابی کارروائی پر دہشتگرد تاریکی کا فائدہ اٹھا کر فرار ہوگئے تھے۔
