لبنان کی مزاحمتی تنظیم حزب اللہ نے اسرائیل کے شہر حیفا پر حملہ کردیا ہے اور راکٹ داغ دیے ہیں۔
اسرائیلی فوج نے بتایا ہے کہ حزب اللہ کی جانب سے عبوری سربراہ نعیم قاسم کے خطاب کے دوران حیفا شہر پر 2 مرتبہ راکٹ داغے گئے۔
یہ بھی پڑھیں لبنان پر اسرائیل کا زمینی حملہ، عالمی برادری کیا کہتی ہے؟
اسرائیلی فوج کے مطابق حزب اللہ نے پہلے حملے میں 85 جبکہ دوسرے حملے میں 20 راکٹ داغے۔
حزب اللہ کے عبوری سربراہ نعیم قاسم نے اپنے خطاب میں کہا تھا کہ ہماری مزاحمتی تنظیم کی صلاحیتیں برقرار ہیں۔
اسرائیلی میڈیا کا بتایا نے حزب اللہ کی جانب سے کیے گئے حملوں میں 12 اسرائیلی زخمی ہوگئے ہیں۔
اسرائیل کے فضائی دفاعی نظام نے کچھ راکٹوں کو فضا میں تباہ کردیا تاہم دیگر حیفا شہر اور اس کے اطراف میں رہائشی عمارتوں پر جا کر گرے۔
اسرائیلی فوج نے دعویٰ کیا ہے کہ حملے میں استعمال ہونے والے اکثر لانچر تباہ کردیے گئے ہیں۔
یہ بھی پڑھیں اسرائیل نے حزب اللہ، حماس اور پاسداران انقلاب کے کون کون سے اعلیٰ کمانڈر شہید کیے؟
واضح رہے کہ اسرائیل نے غزہ کے بعد لبنان میں بھی جارحیت شروع کردی ہے، حال ہی میں حزب اللہ کے سربراہ کو شہید کیا گیا ہے۔
