شنگھائی تعاون تنظیم سربراہی اجلاس کے پیش نظر پنجاب حکومت نے راولپنڈی میں 8 روز کے لیے دفعہ 144 نافذ کردی۔
راولپنڈی میں ہرقسم کےسیاسی اجتماعات، دھرنے، احتجاج اور ایسی تمام سرگرمیوں پرپابندی عائد ہوگی۔
راولپنڈی کی حدود میں ڈبل سواری اور ہوائی فائرنگ،کبوتر بازی، ڈرون اڑانے اور لیزر لائیٹس کے استعمال پر بھی پابندی عائدپابندی ہوگی۔
یہ بھی پڑھیے شنگھائی تعاون تنظیم، کب کیا ہوا؟
دفعہ 144 کا نفاذ 10 سے 17 اکتوبر تک کیا گیا ہے۔
ترجمان محکمہ داخلہ پنجاب کےمطابق دفعہ 144 کے نفاذ کا فیصلہ ضلعی انتظامیہ کی درخواست پر کیا گیا۔ فیصلہ امن و امان کے قیام اور انسانی جانوں و املاک کے تحفظ کے لیے کیا گیا۔ قانون نافذ کرنے والے اداروں کے نمائندگان پابندیوں سے مستثنیٰ ہوں گے۔
واضح رہے کہ دفعہ 144شنگھائی تعاون تنظیم سربراہی اجلاس کے باعث لگائی گئی۔ شنگھائی تعاون تنظیم کا سربراہی اجلاس15 اور 16 اکتوبر کو اسلام آباد میں ہوگا۔
یہ بھی پڑھیے شنگھائی تعاون تنظیم اجلاس، نجی ہوٹلز کے لیے لاگو نئی پالیسی میں کیا ہے؟
شنگھائی تعاون تنظیم کے نیشنل کوآرڈینیٹرز کا اجلاس آج سے اسلام آباد میں ہورہا ہے۔ ذرائع کا کہنا ہے کہ اجلاس 14 اکتوبر تک جاری رہے گا۔ اجلاس میں شرکت کے لیے تمام رکن ممالک بشمول بھارت کے ایس سی او نیشنل کوآرڈینیٹر گزشتہ روز اسلام آباد پہنچ گئے۔
نیشنل کوآرڈینیٹرز کے اجلاس میں سربراہان حکومت کے اجلاس کا ایجنڈا، دستاویزات اور دیگر معاملات کو حتمی شکل دی جائے گی۔
