شنگھائی تعاون تنظیم کے اجلاس کے موقع پر وفاقی دارالحکومت اسلام آباد کے تمام اسپتال کھلے رکھنے کا فیصلہ کیا گیا ہے۔ سی ڈی اے اسپتال بھی کانفرنس کے دوران 3 دن کھلا رہے گا، ڈپٹی ڈائریکٹر سی ڈی اے اسپتال ڈاکٹر سرتاج علی نے اسپتال کھلے رکھنے کا نوٹیفکیشن جاری کر دیا ہے۔
واضح رہے کہ (ایس سی او) اجلاس کے دوران پمز انتظامیہ نے گزشتہ روز اسپتال کو ہائی الرٹ رکھنے کا فیصلہ کرتے ہوئے ملازمین کی چھٹیاں منسوخ کردی تھیں۔ پمز انتظامیہ کی جانب سے تمام ڈیپارٹمنٹس کے لیے سرکل جاری کیا گیا ہے جس کے مطابق اسپتال میں ہائی الرٹ 13 تا 17 اکتوبر تک نافذ رہےگا۔
مزید پڑھیں:شنگھائی تعاون تنظیم سربراہی اجلاس، ایرانی صدر شرکت نہیں کریں گے
شفٹ سٹاف، ایمرجنسی سٹاف، کلینیکل ڈیپارٹمنٹس کو ہنگامی روسٹر تیار کرنے کی ہدایت کردی گئی تھی۔ جنرل سرجری، نیورو سرجری، آرتھوپیڈک، کارڈیالوجی، کریٹیکل ایریا اور ایمرجنسی میں سٹاف کی تعیناتی یقینی بنائی جائیگی۔ عملے کی جانب سے دی گئی چھٹیوں کی کسی درخواست پر عمل نہیں کیا جائیگا۔ ڈائریکٹر ایمرجنسی پمز ڈاکٹر شرجیل ظہیر کو ہائی الرٹ کے دوران فوکل پرسن مقرر کیا گیا ہے۔
