دسہرے کے تہوار کے موقع پر بھارتی وزیر دفاع راج ناتھ سنگھ نے مغربی بنگال کے سکنا ملٹری اسٹیشن میں شاستر پوجا یعنی ہتھیاروں کی پوجا کے بعد کہا ہے کہ ہندوستان نے نفرت یا حقارت کی بنیاد پر کبھی کسی ملک پر حملہ نہیں کیا لیکن اگر مفادات کو لاحق خطرات کی صورت میں کوئی بڑا قدم اٹھانے سے نہیں ہچکچائے گا۔
یہ بھی پڑھیں: بھارت رواں برس چین سے کس میدان میں سبقت لے جائے گا؟
سکنا میں تعینات 33 کور، جسے ‘تریشکتی’ کور کے نام سے جانا جاتا ہے، سکم سیکٹر میں چین کے ساتھ لائن آف ایکچوئل کنٹرول کی حفاظت کی ذمہ دار ہے، اپنی ہتھیاروں کی پوجا کی جانب اشارہ کرتے ہوئے وزیر دفاع راج ناتھ سنگھ کا کہنا تھا کہ یہ رسم ایک واضح اشارہ ہے کہ ضرورت پڑنے پر انہی ہتھیاروں کو پوری طاقت کے ساتھ استعمال کیا جائے گا۔
India’s defense minister takes part in Hindu ‘weapon worship’ ceremony – Al Jazeera English https://t.co/Vwes4LtRqH
— Eddie Du (@Edourdoo) October 13, 2024
بھارتی وزیر دفاع کے مطابق ان کے ملک نے نفرت یا حقارت کی وجہ سے کبھی کسی ملک پر حملہ نہیں کیا بلکہ اس کی فوج صرف اس وقت لڑتی ہے، جب کوئی ملکی سالمیت اور خودمختاری کی توہین یا اسے نقصان پہنچانے کی کوشش کرتا ہے، یا پھر جب مذہب، سچائی اور انسانی اقدار کے خلاف جنگ چھیڑی جاتی ہے۔
سماجی رابطے کی ویب سائٹ ایکس ڈاٹ کام پر اپنی ’شاستر پوجا‘ کی تصاویر پوسٹ کرتے ہوئے ہندی میں لکھا کہ آج انہوں نے ہندوستان میں وجے دشمی کے موقع پر ہتھیاروں کی پوجا کی ایک دیرینہ روایت کی تکمیل کرتے ہوئے سکنا، دارجیلنگ میں 33 کور کے ہیڈکوارٹر میں ‘شاستر پوجا’ کی۔
مزید پڑھیں: چین نے بھارتی ریاست اروناچل پردیش اور متنازعہ اکسائی چین کو نئے نقشہ میں شامل کرلیا، بھارت کا شدید احتجاج
اس تقریب میں آرمی چیف جنرل اوپیندر دِویویدی، دفاع کے نامزد سیکریٹری آر کے سنگھ، ایسٹرن کمانڈ کے جنرل آفیسر کمانڈنگ ان چیف لیفٹیننٹ جنرل رام چندر تیواری، ڈی جی، بارڈر روڈ، لیفٹیننٹ جنرل راگھو سری نواسن، تریشکتی کور کے جنرل آفیسر کمانڈنگ لیفٹیننٹ جنرل زوبین اے من والا اور دیگر سینئر افسران نے شرکت کی۔
وزارت دفاع کی جانب سے بیان میں کہا گیا ہے کہ تقویت، کامیابی اور حفاظت کے لیے آشیرواد حاصل کرنے کے لیے ادا کی جانے والی رسومات، دسہرہ کی ثقافتی اور روحانی گہرائی کی توثیق کرتی ہیں، جو ملک کی حفاظت میں ہتھیاروں کے نظام کے اہم کردار کی نشاندہی کرتی ہیں۔
