احتساب عدالت اسلام آباد کے جج ناصر جاوید رانا نے بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس پر سماعت کی۔ وکلا عثمان ریاض گل، فیصل چوہدری اور خالد یوسف عدالت میں پیش ہوئے ۔
وکیل فیصل چوہدری نے استدعا کی کہ ملزمان کی حاضری کے لیے ویڈیو لنک پر پیش کرنے کا حکم دیا جائے، 3 اکتوبر کے بعد سے بانی پی ٹی آئی اور بشریٰ بی بی سے وکلا کی ملاقات نہیں ہوسکی۔ یہ بھی دیکھنا چاہتے ہیں کہ ملزمان کس حالت میں ہیں۔ ویڈیو لنک ممکن نہیں تو عدالت ملزمان کے پروڈکشن کے احکامات جاری کرے۔
مزید پڑھیں:190 ملین پاؤنڈ کیس: اسلام آباد ہائیکورٹ نے ٹرائل کورٹ کو حتمی فیصلہ سنانے سے روک دیا
جج ناصر جاوید رانا نے استفسار کیا کہ ویڈیو لنک صرف ایک سماعت کے لیے کرنا چاہتے یا تمام سماعتیں ویڈیو لنک کے ذریعے کرنا چاہتے ہیں۔ ویڈیو لنک پر سماعت چاہتے ہیں تو تحریری درخواست دے دیں۔ عدالت نے 190 ملین پاؤنڈ ریفرنس پر سماعت 22 اکتوبر تک ملتوی کردی۔
