پاکستان تحریک انصاف (پی ٹی آئی) کے رہنما شیر افضل مروت کا کہنا ہے کہ ہمارے 9 ممبران اسمبلی کو لایا گیا تھا جن میں سے 5 اراکین کو پیش کیا گیا جبکہ 4 کو ریزرو میں رکھا گیا تھا اس کے علاوہ کچھ اور لوگ بھی ان کے ساتھ ریزرو میں ملے ہوئے تھے۔
پی ٹی آئی رہنما کا کہنا ہے کہ لوگوں کے ضمیر خریدے گئے، ممبران اسمبلی کا ریٹ ایک ارب روپے کے لگ بھگ لگایا گیا تھا اور یہ اخراجات آصف زرداری صاحب نے کیے تھے، انہوں نے ہر ایم این اے سے رابطہ کیا ہے۔
شیر افضل مروت نے کہا کہ یہ بتاتے ہوئے دکھ ہورہا ہے کہ ضمیر فروش بانی کے نام پر ووٹ لے کر مخالفین کے ساتھ بیٹھے تھے، ہم نے ان کی تصاویر لینے کی کوشش کی تو انہوں نے چہرے چھپا لیے۔ ان کا کہنا ہے کہ پی ٹی آئی کے لوگوں نے ہمیں ماموں بنایا ہے، پہلے خبر ڈالتے تھے کہ فلاں کا بچہ اٹھا لیا، یہ ساری ملی بھگت تھی، صرف پیسوں کے لیے انہوں نے اٹھائے جانے کا جواز بنایا ہے۔
شیر افضل مروت کی تصدیق
9 بکے ہیں 5 سامنے آئے 4 ریزرو رکھے گئے پیسوں پر بکے ہیں ارب کے لگ بھگ فی عدد بکے ہیں آصف زرداری نے ادائیگی کی ہے کوئی بچہ فیملی اغوا نہیں تھے سب ملی بھگت تھی pic.twitter.com/z8va2FZutq
— Ahmad Hassan Bobak (@ahmad__bobak) October 21, 2024
شیر افضل مروت کے بیان پر ایک ایکس صارف نے تبصرہ کیا کہ ہر دفعہ پی ٹی آئی کے لوگ ہی کیوں بکتے ہیں؟
ہر دفعہ پی ٹی آئی کے لوگ ہی کیوں بکتے ہیں ؟ https://t.co/p42rWinHGs
— گمنام سید (@Engr_mind) October 21, 2024
ایکس صارف عائشہ لکھتی ہیں کہ جو عمران خان کے ساتھ زیادتی کر رہے ہیں وہ غلط کررہے ہیں۔
جو غداری کر رہے ہیں وہ غلط کر رہے ہیں خان کے ساتھ
— Ayesha (@aysha_787) October 21, 2024
ایک صارف کا کہنا تھا کہ بہت دکھ کی بات ہے ہمارے ووٹ پر پارلیمان آتے ہیں لیکن ہمارا حق چھین کر اپنی جیبں بھر کر چلے جاتے ہیں۔
بہت دکھ کی بات ہے ووٹ ہمارے پر پارلیمان آتے ہیں ہمارا حق چھین کر اپنی جیبں بھر کر چلے جاتے ہیں افسوس تو اس بات کا ہے کیا چہرہ دیکھاۓ گے آخرت میں اللّه کو 😥
ایک دن حساب ہو گا یاد رکھیں یہ— M Touseef (De-Riders)🏍️ (@themediotics) October 21, 2024
ہادی نے کہا کہ پی ٹی آئی کے بہت سے لوگ شیر افضل کو غدار، اسٹیبلشمنٹ کا ٹاؤٹ اور پتا نہیں کن کن القابات سے نوازتے تھے لیکن پی ٹی آئی کے خاص بندے جیسے کہ زین قریشی وغیرہ سب بک گئے ہیں، جن پر شک تھا وہ عمران خان کے ساتھ کھڑے ہیں اور جن پر بھرپور اعتماد تھا وہ سب بک چکے ہیں۔
پی ٹی ائی کے بہت سے لوگ بیچارے شیر افضل کو غدار اسٹیبلشمنٹ کا ٹاؤٹ پتہ نہیں کیا کیا القابات سے نوازتے تھے لیکن پی ٹی ائی کے خاص بندے جیسے کہ زین قریشی وغیرہ سب بک گئے ہیں، جن پر شک تھا وہ ڈنگے کی چوٹ پر عمران خان کے ساتھ کھڑے ہیں اور جن پر بھرپور اعتماد تھا وہ سب بک چکے ہیں۔
— 𝕄𝕣 ℍ𝕒𝕒𝕕𝕚 (@Hammad_HsSsss) October 21, 2024
