نائب وزیر اعظم اور وزیر خارجہ سینیٹر محمد اسحاق ڈار نے ساموا میں کامن ویلتھ بزنس فورم سے خطاب میں تعاون، تجارت اور سرمایہ کاری کے پلیٹ فارم کے طور پر کامن ویلتھ بزنس فورم کے اہم کردار پر زور دیا۔
یہ بھی پڑھیں:دولت مشترکہ کے سربراہان حکومت کا اجلاس: پاکستانی وفد کی قیادت وزیر خارجہ اسحاق ڈار کے سپرد
انہوں نے پاکستان کی قومی کوششوں پر بھی روشنی ڈالی جن کا مقصد اپنی افرادی قوت کو بااختیار بنانا اور اسے تیزی سے ترقی کرتی ہوئی عالمی معیشت کے لیے تیار کرنا ہے۔
انہوں نے کہا کہ دولت مشترکہ میں اقتصادی جدید کاری اور پیداواری صلاحیت کو تیز کرنے کے لیے ڈیجیٹل انفراسٹرکچر اور تبدیلی کی ٹیکنالوجیز میں سرمایہ کاری بڑھانے پر زور دیا۔
انہوں نے افرادی قوت کی صلاحیت کو بروئے کار لانے کے لیے تعلیم، ہنر مندی کی نشوونما اور صنعت کاری میں فوری سرمایہ کاری پر زور دیا، جو کہ تکنیکی جدت اور اقتصادی تبدیلی کا کلیدی محرک ہے۔
اسحاق ڈار نے دولت مشترکہ کی خوشحالی میں کردار ادا کرنے کے لیے پاکستان کے عزم کا اعادہ کیا اور پائیدار ترقی، انٹرا کامن ویلتھ تجارت میں اضافہ اور اقتصادی اور سماجی ترقی کے لیے مشترکہ وژن اپنانے کا مشورہ دیا۔
