نیپرا نے بجلی کی فی یونٹ قیمت میں کمی کا اعلان کردیا ہے۔
نیپرا نے گھریلو صارفین کے لیے اگست کے بجلی بلوں میں فیول چارجز ایڈجسٹمنٹ کی مد میں 86 پیسے فی یونٹ کمی کا اعلان کیا ہے۔
یہ بھی پڑھیں: مہنگائی سے مرے ہوئے عوام پر نیپرا نے ایک اور بم پھینک دیا
نیپرا کے مطابق سینٹرل پاور پرچیزنگ ایجنسی (سی پی پی اے) کی جانب سے فیول چارجز ایڈجسٹمنٹ کی مد میں 57 پیسے فی یونٹ کمی کی درخواست پر نیپرا نے آج (بروز جمعرات) سماعت کی.
نیپرا کا کہنا ہے کہ فیول چارجز ایڈجسٹمنٹ میں جولائی میں 37 پیسے کمی کی گئی تھی تاہم یہ اگست کے بلوں میں چارج کیا گیا، اس بنا پر اگست کے فیول چارجز میں مزید 49 پیسے فی یونٹ کمی کی جائے گی۔
یہ بھی پڑھیں: مہنگائی کے مارے عوام کو ایک اور جھٹکا: نیپرا نے بجلی 7 روپے 5 پیسے فی یونٹ مہنگی کردی
نیپرا کے مطابق مذکورہ ریلیف صارفین کو اکتوبر کے بلوں میں دیا جائے گا، جن صارفین کو بل موصول ہوچکے ہیں انہیں یہ ریلیف نومبر کے بلوں میں دیا جائے گا۔
