بالی وڈ اداکار ارجن کپور نے ملائیکہ سے تعلقات ختم ہونے کی تصدیق کردی۔ سوشل میڈیا پر ایک ویڈیو زیرِ گردش ہے جو ہندو تیوہار دیوالی کی ہے جس میں ارجن سمیت ان کی نئی آنے والی فلم ‘سنگھم اگین’ کے ساتھ اداکار اجے دیوگن اور دیگر شریک تھے۔
یہ بھی پڑھیں: ملائکہ اروڑا اور ارجن کپور کا بریک اپ، سچ کیا ہے؟
ویڈیو میں دیکھا جاسکتا ہے کہ جب ارجن نے ہاتھ میں مائیک پکڑا اور وہ کچھ کہنے لگے تو وہاں موجود ہجوم نے ملائیکہ ملائیکہ کی آوازیں لگانا شروع کردیں جس پر ارجن نے کہا ’ابھی سنگل ہوں میں‘۔ ساتھ ہی انہوں نے اسٹیج پر کھڑے ایک فرد کی جانب اشارہ کرتے ہوئے کہا کہ انہوں نے میرے بارے میں بات کرتے ہوئے خوبصورت اور لمبے قد کا ذکر کیا جس سے مجھے لگا یہ شادی کی بات کرنے والے ہیں اس لیے میں نے وضاحت کردی۔
View this post on Instagram
سوشل میڈیا پر بھارتی پیجز نے مذکورہ ویڈیو شیئر کی اور دعویٰ کیا کہ ارجن اب ملائیکہ کے ساتھ نہیں اور دونوں میں علیحدگی ہوچکی ہے۔
اس سے قبل بھی اس خبر کی تصدیق مختلف ذرائع نے کی تھی کہ ارجن کپور اور ملائکہ اروڑا نے ایک دوسرے کی عزت اور باہمی رضامندی کے ساتھ راہیں جدا کرنے کا فیصلہ لے لیا تھا۔ پنک ویلا کی رپورٹ کے مطابق ان کے رشتے کی مدت پوری ہوچکی ہے اور وہ اس معاملے کو مہذب انداز میں ڈیل کریں گے۔
ملائکہ اروڑا اور ارجن کپور کے درمیان بہت گہرا تعلق تھا اور علیحدگی کے بعد بھی دونوں کے دلوں میں ایک دوسرے کا خاص مقام رہے گا، دونوں راہیں جدا کرنے کا فیصلہ کرچکے ہیں اور اس معاملے پر تہذیب کے دائرے میں رہتے ہوئے خاموشی اختیار کریں گے اور کسی بھی شخص کو ان کے ذاتی معاملے پر بات کرنے کی اجازت نہیں دیں گے۔
یہ بھی پڑھیں: کیا ملائکہ اروڑا اور ارجن کپور کا بریک اپ ہوگیا؟
دونوں کے درمیان راہیں جدا کرنے کاہرگز مقصد یہ نہیں کہ ان کے درمیان کوئی لڑائی جھگڑا ہوا ہے، وہ تاحال ایک دوسرے کا احترام کرتے ہیں اور ہمیشہ ایک دوسرے کی ہمت بنے رہیں گے۔
رپورٹ میں یہ بھی بتایا گیا کہ ملائکہ اروڑا اور ارجن کپور کی میڈیا چینلز اور مداحوں سے درخواست ہے کہ وہ ان کی پرائیویسی کا خیال رکھیں اور انہیں ان جذباتی لمحات کو پُرسکون انداز میں گزارنے دیں۔
واضح رہے کہ ملائیکہ اروڑا نے سال 2017 میں اپنے پہلے شوہر و اداکار ارباز خان سے طلاق لے لی تھی اور 2018 میں ارجن کپور سے اپنا ریلیشنشپ آفیشل کردیا تھا۔
جس کے بعد دونوں ایک دوسرے کے ساتھ ساتھ نظر آتے تھے تاہم چند ماہ قبل اس جوڑے کے بریک اپ کی اطلاعات سامنے آئی تھی لیکن دونوں میں سے کسی کی جانب سے بھی اس کی تصدیق یا تردید نہیں کی گئی۔
ارجن کپور سنگھم اگین میں منفی کردارمیں نظر آئیں گے۔ اس فلم میں اجے دیوگن باجی راؤ سنگھم کے کردار میں نظر آئیں گے اور اس بار ان کے ساتھ اکشے کمار، رنویر سنگھ، ٹائیگر شروف، جیکی شروف، دپیکا پڈوکون اور کرینہ کپور شامل ہیں۔ یہ فلم یکم نومبر کو بھارتی سنیماوں کی زینت بنے گی۔
