وزیراعظم پاکستان کے مشیر برائے سیاسی امور رانا ثنااللہ نے کہا ہے کہ بشریٰ بی بی کی رہائی درست فیصلہ ہے، ان دعوؤں میں کوئی صداقت نہیں کہ یہ کسی ڈیل کا نتیجہ ہے۔
نجی ٹی وی سے گفتگو کرتے ہوئے انہوں نے کہاکہ بشریٰ بی بی کی رہائی کے لیے کوئی ڈیل نہیں ہوئی، یہ سارا عمل قانون کے مطابق ہوا۔
یہ بھی پڑھیں بشریٰ بی بی کے وزیراعلیٰ ہاؤس میں ڈیرے پس پردہ داستان کی نشاندہی ہے، خواجہ آصف
واضح رہے کہ گزشتہ روز وزیر دفاع خواجہ آصف نے کہا تھا کہ علی امین گنڈاپور کا غائب ہونا اور پھر بشریٰ بی بی کا ضمانت پر رہا ہوکر پشاور جانا اتنا سادہ معاملہ نہیں، یہ سب ڈیل کے اشارے ہیں۔
رانا ثنااللہ نے کہاکہ یہ بڑی بدقسمتی ہوگی کہ ٹرمپ کے حکم سے عمران خان کی رہائی ہو، اگر ٹرمپ کے حکم سے ہی انہوں نے رہائی لینی ہے تو اس سے بہتر جیل میں رہنا ہے۔
انہوں نے کہاکہ عمران خان کی رہائی کا فیصلہ قانون کے مطابق ہوگا، میرا نہیں خیال کہ امریکا میں نومبر کے نتائج پاکستان پر اثرانداز ہوں گے۔
یہ بھی پڑھیں ’بشریٰ بی بی کے بعد عمران خان کی رہائی بھی جلد ہونے والی ہے‘
مشیر وزیراعظم رانا ثنااللہ نے کہاکہ پی ٹی آئی کی ڈونلڈ لو والی بات میں کوئی حقیقت نہیں کہ ان کے حکم پر عمران خان کی حکومت گرائی گئی۔
