نیوزی لینڈ نے تیسرے ٹیسٹ میچ میں بھارت کو شکست دے کر پہلی بار ہوم سیریز میں وائٹ واش کردیا جبکہ بھارت کو اپنے گھر پر 12 سال بعد ٹیسٹ سیریز میں شکست اور 24 سال بعد کلین سوئپ کا سامنا کرنا پڑا۔
ٹیسٹ سیریز میں ہوم گراؤنڈ پر تاریخی وائٹ واش کے بعد جہاں صارفین انڈیا کے کھلاڑیوں کو کارکردگی پر شدید تنقید کا نشانہ بناتے دکھائی دیتے ہیں وہیں کپتان روہت شرما نے کہا ہے کہ ’12 سال میں ایک بار تو ہارنے کی اجازت ہے‘ جس پر صارفین کی جانب سے ان کا مذاق بھی بنایا جا رہا ہے۔ ایک صارف نے روہت شرما کو آڑے ہاتھوں لیتے ہوئے کہا کہ اگر ٹیم کے کپتان کی ایسی ذہنیت رکھتے ہیں تو ہمیں ہوم گراؤنڈ پر وائٹ واش ہونے سے کوئی نہیں بچا سکتا۔
"12 saal mai ek baar toh allowed hai yaar"
If we are having this type of mentality of a captain of team then no one can save us getting whitewash at home. #INDvNZ #RohitSharma pic.twitter.com/Iz7OJmDLWh
— Ex Bhakt (@exbhakt_) November 3, 2024
ایک ایکس صارف نے مزاحیہ انداز میں لکھا کہ والد اپنے بیٹے سے پوچھتا ہے کہ تم بارہویں کلاس میں کیوں فیل ہوئے تو جواباً بیٹا کہتا ہے کہ 12 سالوں میں ایک بار تو اجازت ہے۔
Dad – Why did you fail in 12th?
Me – Wo 12 saal me ekbar toh allowed hai…💀 pic.twitter.com/duS61mwM2h
— Dinda Academy (@academy_dinda) October 29, 2024
ایک بھارتی صارف نے لکھا کہ پاکستان کرکٹ ٹیم کے سابق کپتان بابر اعظم ایسی صورتحال میں روہت شرما سے بہتر جواب دے دیتے۔
Even Babar Azam would have given better answer than Rohit Sharma https://t.co/c72cNOXmus
— Ravi 🇮🇳 (@Ravi_Ravi_Ravi3) October 29, 2024
بہت سے صارفین روہت شرما اور ویرات کوہلی کو ریٹائرمنٹ کا مشورہ دیتے ہوئے بھی نظر آئے۔ ایک ایکس صارف نے لکھا کہ انڈین کرکٹ ٹیم آج کل انتہائی پریشان کن حالات سے گزر رہی ہے یہ وہ ٹیم تھی جسے عروج کی بلندیاں چھونے سے کوئی نہیں روک سکتا تھا لیکن کسی نے سچ کہا ہے کہ عروج کو زوال میں بدلتے وقت نہیں لگتا انڈین سوشل میڈیا بھی اس وقت انڈین کرکٹ ٹیم پر شدید تنقید کر رہا ہے اور روہت شرما اور ویرات کوہلی پر پریشر بڑھایا جا رہا ہے کہ وہ ٹیسٹ کرکٹ سے ریٹائرمنٹ لے لیں۔
انڈین کرکٹ ٹیم اج کل انتہائی پریشان کن حالات سے گزر رہی ہے ۔ یہ وہ ٹیم تھی جسے عروج کی بلندیاں چھونے سے کوئی نہیں روک سکتا تھا لیکن کسی نے سچ کہا ہے کہ عروج کو زوال میں بدلتے وقت نہیں لگتا !!
انڈین سوشل میڈیا اس وقت انڈین کرکٹ ٹیم پر شدید تنقید کر رہا ہے !!
روہت شرما ( Rohit… pic.twitter.com/ETQvX3VOlU— Shaybi (@shoaibkayani45) November 1, 2024
سیریز میں شرمناک کارکردگی کے بعد بھارتی کپتان روہت شرما نے میڈیا سے گفتگو میں نیوزی لینڈ کے خلاف وائٹ واش کی ذلت آمیز شکست کا ذمے دار خود کو ٹھہراتے ہوئے کہا ہے کہ انہوں نے اپنی بہترین کارکردگی کا مظاہرہ نہیں کیا۔
Rohit Sharma said, "I fully take the responsibility of this series defeat. I wasn't at my best as a batter and as a captain. It's a low point in my career". pic.twitter.com/vwX2GnqELz
— Mufaddal Vohra (@mufaddal_vohra) November 3, 2024
ورلڈ سپورٹس نامی ایک صارف نے لکھا کہ روہت نے ایسا بیان اس لیے دیا کیونکہ انہیں 12 برس میں کوئی ٹرننگ پچ نہیں ملی انہوں نے صرف فلیٹ پچ پر رن بنائے ہیں اوراب وہ بری طرح بے نقاب ہو گئے۔ ان کا مزید کہنا تھا کہ روہت شرما اور ویرات کوہلی کو اب ریٹائرمنٹ لے لینی چاہیے کیونکہ وہ بیٹنگ نہیں کر سکتے اور نہ ہی پاکستانی کھلاڑی بابراعظم جیسے ہو سکتے ہیں۔
Because he didn't get any turning pitch in 12 years, just make runs on flat road and now instant get turn they exposed badly. Rohit and Virat should ve retired himself because they can't bat and can't be a babar azam of now time.
— World Sports (@worldsports__) October 29, 2024
خیال رہے کہ بھارت کو 2000 کے بعد ہوم سیریز میں 24 سال بعد وائٹ واش کا سامنا کرنا پڑا ہے، اس سے قبل جنوبی افریقا نے بھارت کو 2000 میں وائٹ واش کیا تھا۔
