وزیر دفاع خواجہ آصف نے کہا ہے کہ فوجی سربراہان کی مدت ملازمت میں اضافہ تقرری کی تاریخ سے ہوگا۔
نجی ٹی وی سے گفتگو کرتے ہوئے انہوں نے کہاکہ سروسز چیفس کی مدت ملازمت میں اضافے سے متعلق بات کی۔
یہ بھی پڑھیں سپریم کورٹ ججز کی تعداد بڑھانے، فوجی سربراہان کی مدت 5 سال کرنے کے بل قومی اسمبلی کے بعد سینیٹ سے بھی منظور
واضح رہے کہ حکومت نے قومی اسمبلی میں 6 اہم بل پاس کرتے ہوئے سپریم کورٹ میں ججوں کی تعداد چیف جسٹس سمیت 34 کردی ہے، جبکہ اسلام آباد ہائیکورٹ کے ججوں کی تعداد کو 9 سے بڑھا کر 12 کردیا گیا ہے۔
اس کے علاوہ فوجی سربراہان کی مدت ملازمت 3 سال سے بڑھا کر 5 سال کردی گئی ہے، جس کے بعد ہر کسی کے ذہن میں یہ سوال پیدا ہورہا تھا کہ فوجی سربراہان کی مدت ملازمت میں اضافہ کس تاریخ سے ہوگا، تاہم اب وزیر دفاع نے ابہام دور کردیا ہے۔
یہ بھی پڑھیں آج کی قانون سازی کے بعد آرمی چیف کی مدت ملازمت کم ہوگئی، رانا ثنااللہ
دوسری جانب وزیراعظم کے مشیر برائے سیاسی امور رانا ثنااللہ نے کہا ہے کہ آج کی قانون سازی کے بعد آرمی چیف کی مدت ملازمت زیادہ نہیں بلکہ کم ہوئی ہے، کیونکہ ماضی میں فوجی سربراہان 11 سال اور پھر 6،6 سال تک عہدوں پر فائز رہے۔
