وزیراعظم پاکستان شہباز شریف نے کہا ہے کہ معاشی اشاریے مثبت سمت کی جانب گامزن ہیں، اور معشیت مستحکم بنیادوں پر آگے بڑھ رہی ہے۔
وفاقی کابینہ کے اجلاس میں گفتگو کرتے ہوئے انہوں نے کہاکہ میرا سعودی عر اور قطر کا دورہ مفید رہا، سعودی ولی عہد نے ملاقات میں پاکستان کے عوام کے لیے نیک خواہشات کا اظہار کیا۔
یہ بھی پڑھیں پاکستان اور قطر نے تیزی سے آگے بڑھنے کا فیصلہ کیا ہے، وزیراعظم شہباز شریف
انہوں نے کہاکہ میرے دورے کے تناظر میں ہمارا وفد سعودی عرب گیا ہے، جہاں شمسی توانائی، ہنر مندی افراد قوت اور کان کنی کے شعبوں سے متعلق معاملات زیرغور آئیں گے۔
انہوں نے کہاکہ ہم مختلف ممالک کے ساتھ بزنس ٹو بزنس معاہدوں پر آگے بڑھ رہے ہیں، اور اچھی پیشرفت ہورہی ہے۔
وزیراعظم نے کہاکہ آذربائیجان کے ساتھ 2 ارب ڈالر کے معاہدوں کے حوالے سے بات ہوئی ہے، محنت سے کام کرنے سے کامیابی ملتی ہے۔
انہوں نے کہاکہ پالیسی ریٹ 22 فیصد سے کم ہوکر 15 فیصد پر آنا خوش آئند ہے، معاشی صورتحال بہتر ہونے سے روزگار کے مواقع پیدا ہوں گے۔ شرح سود میں کمی سے قرضوں میں 1300 ارب روپے کی کمی واقع ہوئی۔
یہ بھی پڑھیں وزیراعظم شہباز شریف کی قطری تاجروں کو پاکستان میں سرمایہ کاری کی دعوت
