امریکہ کے نئے صدر کے انتخاب کے لیے متعدد ریاستوں میں پولنگ کا وقت ختم ہو چکا ہے اور پولنگ کے بعد امریکہ سمیت پوری دنیا میں امریکی صدرکے انتخاب کا بے تابی کے ساتھ انتظار کیا جا رہا ہے کیونکہ کملا ہیرس اور ڈونلڈ ٹرمپ میں کانٹے کا مقابلہ جاری ہے
اس وقت پاکستان کی طرح امریکی انتخابات بھی تنازعات کی زد میں ہیں، اس حوالے سے سوشل میڈیا پر چند خبریں بھی گردش کر رہی ہیں کہ امریکی ارب پتی اور ٹیسلا کے سی ای او ایلون مسک جو اب ڈونلڈ ٹرمپ کے اہم حامی بن چکے ہیں انہوں نے الیکشن کی مناسبت سے ایکس پر لائک کا بٹن تبدیل کر دیا ہے۔ اس حوالے سے کئی ویڈیوز بھی سوشل میڈیا پر وائرل ہیں جس پر تبصرہ کرتے ہوئے کئی صارفین کا کہنا ہے کہ طاقت کے حصول کے لیے ٹیکنالوجی کا استعمال جمہوریت کے لیے خطرناک ثابت ہو سکتا ہے۔
وائرل ویڈیو میں دکھایا گیا ہے کہ اس نئے فیچر کے نتیجے میں جب بھی کوئی صارف ایکس پر کسی پوسٹ پر لائیک کا بٹن دباتا ہے تو وہ سرخ نظر آنے کی بجائے ایک مختصر اینیمیشن سامنے آتی ہے جس میں بیلٹ کو سرخ اور نیلے رنگ میں سلائیڈ کرتے ہوئے دکھایا جاتا ہے۔
ایک صارف نے ویڈیو شیئر کرتے ہوئے لکھا کہ ایکون مسک نے یہ کر دکھایا اور امریکی انتخابات کے موقع پر لائک کا بٹن تبدیل کر دیا۔
Elon Musk did it. He changed the like button on occasion of #Election2024 #Trump2024#BlueWave2024
Check it yourself. pic.twitter.com/0ofCPLIax1— The American Presidential Election 2024 🇺🇸 (@BakchodGPT) November 5, 2024
ایک ایکس صارف نے کہا کہ ایلون مسک نے انتخابات کے دوران ڈونلڈ ٹرمپ کی تشہیر کے لیے باضابطہ طور پر لائک کے بٹن کو تبدیل کر دیا ہے، اگر آپ اس کی حمایت کرتے ہیں تو اپنا موقف ظاہر کرنے کے لیے اس پوسٹ کو لائک اور ریٹویٹ کریں۔
🚨BREAKING: Elon has officially changed the like icon to promote Donald Trump during the elections! If you're in support, like and retweet this to show your stance!#Election2024 #Trump #Kamala #FightForAmerica #ElectionDay #USElection2024 #USAElection2024 #ElonMusk2024#electio pic.twitter.com/q6Ilpz0y5F
— hermano sisi (@VivienteMe18581) November 5, 2024
ستارہ نامی صارف لکھتی ہیں انہوں نے سوچا کہ یہ جعلی خبر ہے لیکن یہ تو بالکل سچ ہے کہ ایلون مسک نے امریکی انتخابات کے لیے لائک کے بٹن کو تبدیل کر دیا ہے۔
I thought this is fake, But it's dam true 🙀 that, Elon Musk has changed the like button for the United State Elections.
Retweet for Kamala🔂
Like for Trump ❤️ #Election2024 #Trump #Trump2024 #KamalaHarris #USElections#FightForAmerica #ElectionDay#USElection2024 #USWahl… pic.twitter.com/zjpqqnR9dy— sarita (@sarita_5M) November 5, 2024
جہاں کئی صارفین کا دعویٰ تھا کہ ایکس پر لائک کے بٹن کو تبدیل کر دیا گیا ہے وہیں چند صارفین یہ بھی کہتے نظرا ٓئے کہ ایسا کچھ نہیں ہے کیونکہ ان کے پاس کوئی تبدیلی ظاہر نہیں ہو رہی۔
ہیری نے لکھا کہ شاید یہ جعلی ہے کیونکہ ان کی ٹائم لائن پر لائک کے بٹن میں کوئی تبدیلی نہیں آئی وہ پہلے جیسا ہی ہے۔
Maybe it's fake because don't show
— HARRY (@HARRY1933942) November 5, 2024
واضح رہے کہ ٹیسلا کے مالک ایلون مسک نہ صرف صدر کے لیے ٹرمپ کی حمایت کر رہے ہیں بلکہ ان کا کہنا ہے کہ وہ ٹرمپ کی کابینہ میں خدمات انجام دینے کے لیے بھی تیار ہیں۔ امریکی عدالت نے اپنے ایک بڑے فیصلے میں ایلون مسک کو ٹرمپ کے حامیوں کو 10 لاکھ ڈالر دینے کی مہم جاری رکھنے کی اجازت بھی دی ہے۔
