صدارتی انتخابات کی دوڑ میں ڈونلڈ ٹرمپ دوسری بار کامیاب ہو کر امریکا کے 47 ویں صدر منتخب ہوگئے ہیں۔ کسی بھی امیدوار کو جیت کیلئے 538 میں سے 270 الیکٹورل ووٹ درکار تھے جس میں اب تک ڈونلڈ ٹرمپ نے 277 اور کملا ہیرس نے 226 الیکٹورل ووٹ حاصل کیے ہیں۔
ڈونلڈ ٹرمپ کی جیت کے بعد پاکستانی سوشل میڈیا صارفین اس پر مختلف تبصرے کرتے نظر آئے، مقدس فاروق اعوان لکھتی ہیں کہ بڑے بڑے میڈیا ادارے ٹرمپ کی عزت کو خراب کرتے رہے لیکن عوام نے سزا یافتہ ڈونلڈ ٹرمپ کو اپنا حکمران چن لیا۔
بڑے بڑے میڈیا ادارے ٹرمپ کی عزت کو خراب کرتے رہے لیکن عوام نے سزا یافتہ ڈونلڈ ٹرمپ کو اپنا حکمران چن لیا pic.twitter.com/dMyCYejXD5
— Muqadas Farooq Awan (@muqadasawann) November 6, 2024
عاطف رؤف نے طنزاً لکھا کہ صدر منتخب ہونے کے بعد ڈونلڈ ٹرمپ کا جہاز عمران خان کو لینے امریکا سے روانہ ہو گیا ہے۔
ڈونلڈٹرمپ صدر منتخب ، ٹرمپ کا جہاز عمران خان کو لینے امریکہ سے روانہ 😂😂😂😁👇 pic.twitter.com/7qKOaY7nMA
— Atif Rauf (@Atifrauf79) November 6, 2024
ایک صارف نے ڈونلڈ ٹرمپ کی کامیابی پر تبصرہ کرتے ہوئے لکھا کہ آپ تب تک نہیں ہارتے جب تک آپ خود ہار نہیں مان جاتے، ڈونلڈ ٹرمپ امریکہ کے 47 ویں صدر منتخب ہو گئے اور انہوں نے انتھک محنت اور مشکلوں کا مقابلہ کرکے دکھا دیا کہ مقابلہ کر کے کس طرح جیت کو یقینی بنایا جاسکتا ہے۔
آپ تب تک نہیں ہارتے جب تک آپ خود ہار نہیں مان جاتے
ڈانلڈ ٹرمپ امریکہ کے 47 ویں صدر منتخب ہو گئے اور اس اکیلے انسان نے انتھک محنت اور مشکلوں کا مقابلہ کرکے دکھا دیا کہ ڈٹے رہ کر اور مقابلہ کر کے کس طرح جیت کو یقینی بنایا جاسکتا ہے pic.twitter.com/wCP9aZKXgg
— Maj (R) Asim (@asimawan13) November 6, 2024
عائشہ علی بھٹا نے سوال کیا کہ امریکی اسٹبلشمنٹ کو ڈونلڈ ٹرمپ کو انتخابات کی دوڑ سے باہر رکھنے کے لیے، حکومت بنانے اور گرانے کے لئے کسی جہانگیر ترین اور علیم خان کی مدد کی ضرورت نہیں پڑی؟
امریکہ اسٹبلشمنٹ کو ڈونلڈ ٹرمپ کو انتخابات کی دوڑ سے باہر رکھنے کے لئے، حکومت بنانے اور گرانے کے لئے کسی جہانگیر ترین اور علیم خان کی مدد کی ضرورت نہیں پڑی؟
— Ayesha Ali Bhutta (@ayeshabhutta01) November 6, 2024
شاہد خان نے لکھا کہ ڈونلڈ ٹرمپ پورے نظام کو پیروں تلے روند کر واپس آ گیا عمران خان بھی جلد واپس آئے گا۔
🚨ڈونلڈ ٹرمپ پورے نظام کو پیروں تلے روند کر واپس آ گیا عمران خان بھی جلد واپس آئے گا۔🔥 pic.twitter.com/T7Feo3JQk6
— Shahid Khan (@FanAccountNB) November 6, 2024
کملا ہیرس کے مقابلے میں واضح برتری کے بعد ڈونلڈ ٹمپ نے اپنی وکٹری اسپیچ میں کہا ہے کہ امریکا نے ہمیں پہلے سے زیادہ کامیابی دی ہے، یہ حیرت انگیز سیاسی فتح ہے جو اس سے پہلی کسی کو نہیں ملی۔
امریکی صدارتی انتخابات سے جڑی اپنی سیاسی بقا کی جنگ کو ڈونلڈ ٹرمپ نے حیرت انگیز سیاسی تحریک قرار دیتے ہوئے کہا کہ اس نوعیت کی سیاسی تحریک اس سے پہلے نہیں دیکھی گئی، انہوں نے واضح کیا کہ وہ سرحدوں کا کنٹرول بہتر بناتے ہوئے ملکی فلاح کا سوچیں گے۔
ڈونلڈ ٹرمپ نے ایک بار پھر صدر منتخب ہونے پر امریکی عوام کا شکریہ ادا کرتے ہوئے کہا کہ وہ ان کے اعتماد پر پورا اترتے ہوئے امریکا کو دوبارہ عظیم بنائیں گے، انہوں نے کہا کہ محفوظ امریکا کے لیے ہمیں سرحد بند کرنا ہوں گی کیونکہ امریکا میں لوگ قانونی طور پر آمد کے خواہاں ہیں۔
