بین الاقوامی خلائی اسٹیشن پر مقیم خلائی تحقیق کے امریکی ادارے ناسا کے خلا بازوں نے امریکی انتخابات میں خلا سے ووٹ کاسٹ کر کے تاریخ رقم کی ہے۔
ناسا کے 4 خلا باز اس وقت زمین کے مدار میں موجود بین الاقوامی خلائی اسٹیشن پر مقیم ہیں، ان چاروں خلا بازوں نے اپنا حق رائے دہی استعمال کرنے کے لیے ایبسنٹی یعنی غیر حاضر بیلٹ کی درخواست کی تھی۔
میڈیا رپورٹس کے مطابق خلائی مسافر بچ ولمور نے ٹینیسی ٹیک یونیورسٹی میں گفتگو کے دوران خلا سے ووٹ کاسٹ کرنے کے تجربے کا ذکر کیا ہے، یہ اقدام خلابازوں کی طرف سے خلا میں قیام کے باوجود اپنے شہری فرائض کی ادائیگی سے وابستگی کو اجاگر کرتا ہے۔
It’s important to exercise your right to vote – even in space!
In our latest episode of "Houston We Have a Podcast," we explain how @NASA_Astronauts vote from the @Space_Station: https://t.co/zYPty9Rrkh pic.twitter.com/UDSUOYyN5c
— NASA (@NASA) November 5, 2024
ٹیکساس میں ہیرس کاؤنٹی کلرک آف کورٹ آفس نے بتایا کہ ناسا کے خلاباز بچ ولمور، سنیتا ولیمز اور ڈان پیٹیٹ نے انتخابات سے ایک روز قبل بین الاقوامی خلائی اسٹیشن یعنی آئی ایس ایس سے اپنا ووٹ کاسٹ کیا۔
مزید پڑھیں:امریکا کے 47ویں منتخب صدر، ڈونلڈ ٹرمپ کے کیریئر پر ایک نظر
ہیرس کاؤنٹی کے 12 لاکھ سے زیادہ ابتدائی ووٹرز میں شامل خلابازوں نے انتخابات کے دن ووٹ کاسٹ کرنے کے موقع پر انسٹاگرام پر ایک تصویر بھی پوسٹ کی ہے، خلا سے ووٹنگ ناسا کے نیئراسپیس نیٹ ورک کے ذریعے ممکن بنائی جاتی ہے۔
میڈیا رپورٹس کے مطابق خلائی اسٹیشن اور مشن کنٹرول کے درمیان دیگر ڈیٹا کے تبادلے کی طرح نیئر اسپیس نیٹ ورک کے ذریعہ آئی ایس ایس سے زمین پر بیلٹ منتقل کیا گیا تھا۔
