وزیر اعلیٰ پنجاب مریم نواز اور سینیئر وزیر مریم اورنگزیب کے حکم پر اسموگ تدارک کریک ڈاؤن میں تیزی آنے کے بعد 24 گھنٹوں میں دھواں چھوڑنے والی 1180 گاڑیوں کو 24 لاکھ روپے کا جرمانہ کیا جا چکا ہے۔
یہ بھی پڑھیں:اسموگ: لاہور ہائیکورٹ کا رات 8بجے مارکیٹس بند کرنے کا حکم
کریک ڈاؤن کے دوران بنا ترپال ڈھانپے ریت، مٹی سمیت آلودگی کا سبب بنے دیگر اشیا سے لدی 98 ٹرالیوں کو 02 لاکھ جرمانہ کیا گیا۔
اس حوالے سے چیف ٹریفک آفیسر لاہور عمارہ اطہر کا کہنا ہے کہ انتہائی خست حال 42 گاڑیوں کو مخلتف تھانوں میں بند کروایا گیا، کریک ڈاؤن کے لیے ٹریفک پولیس، محکمہ ماحولیات اور مائنز ڈیپارٹمنٹ کی 06 مشترکہ ٹیمیں بھی تشکیل گئیں۔
چیف ٹریفک آفیسر لاہور کے مطابق بغیر ترپال، پانی و دیگر حفاظتی اقدامات کے بغیر ٹریکٹر ٹرالی چلنے کی اجازت نہیں، تمام ڈی ایس پیز شہر کے داخلی و خارجی راستوں پر خصوصی کارروائیاں کررہے ہیں۔
یہ بھی پڑھیں:اسموگ کے خاتمے کے لیے پنجاب حکومت کیا اقدامات کررہی ہے؟
عمارہ اطہر کے مطابق انسدادِ تجاوزات کیمپس کو مزید متحرک اور فعال کردیا گیا، اسکول و کالجز،بس اڈوں اور سرکاری و نیم سرکاری اداروں میں آگاہی لیکچرز کا سلسلہ جاری ہے۔
چیف ٹریفک آفیسر لاہور کے مطابق آرٹیفشل انٹیلیجنس سسٹم کی مدد سے بھی ای چالاننگ جاری ہے۔ اس ضمن میں چیف ٹریفک آفیسر (سی ٹی او) لاہور کی جانب سے سموکی وہیکلز کی درستگی کے لیے متعدد سرکاری و نیم سرکاری اداروں کو مراسلے بھی ارسال کیا گیا ہے۔
عمارہ اطہر کے مطابق شہری ماحولیاتی آلودگی کے خاتمے کیلئے تعاون کریں۔
