وزیراعلیٰ خیبرپختونخوا علی امین گنڈاپور نے عمران خان سے اڈیالہ جیل میں ملاقات کے بعد نیشنل ایکشن پلان کی اپیکس کمیٹی کے اجلاس میں شرکت کی، اس موقع پر انہوں نے جو گفتگو کی اس کی تفصیلات سامنے آگئیں۔
یہ بھی پڑھیں چوری شدہ مینڈیٹ واپس کیا جائے، عمران خان نے جمعرات تک کی ڈیڈلائن دیدی
وزیراعظم پاکستان شہباز شریف کی زیرصدارت نیشنل ایکشن پلان کی اپیکس کمیٹی کے اجلاس میں وفاقی وزرا، آرمی چیف سمیت دیگر حکام نے شرکت کی۔
اجلاس میں موجود وزیر دفاع خواجہ آصف نے نجی ٹی وی سے گفتگو کرتے ہوئے کہاکہ علی امین گنڈاپور نے اجلاس میں عمران خان کی گرفتاری کا معاملہ اٹھایا۔
خواجہ آصف کے مطابق وزیراعلیٰ خیبرپختونخوا نے کہاکہ عمران خان ایک سال سے ناحق جیل میں قید ہے، اس کے علاوہ ہمیں احتجاج کرنے کی اجازت نہیں دی جارہی۔
یہ بھی پڑھیں وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری
انہوں نے مزید کہاکہ وزیراعلیٰ علی امین گنڈاپور نے زیادہ باتیں اپنے صوبے میں دہشتگردی کے حوالے سے کیں، آج کے اجلاس کا اہم پوائنٹ بھی دہشتگردی سے نمٹنے پر غوروخوض کرنا تھا، اور کچھ اہم فیصلے کیے گئے ہیں۔
