سکھر سے تعلق رکھنے والے ویٹ لفٹر نے باڈی بلڈنگ ورلڈ چیمپیئن شپ 2024 میں 2 گولڈ اور ایک سلور میڈل جیت لیا۔
یہ بھی پڑھیں:پاکستان کا اعزاز، ورلڈ باڈی بلڈنگ چیمپیئن شپ میں گولڈ میڈل جیت لیا
سکھر کے ویٹ لفٹر یوسف اعوان نے یونائیٹڈ ورلڈ اسپورٹس اینڈ فٹنس فیڈریشن کے زیر اہتمام تھائی لینڈ میں ہونے والی اس چیمپیئن شپ میں اپنی مدد آپ کے تحت حصہ لیا اور میڈلز جیت کر پاکستان کا نام روشن کیا ہے۔
باڈی بلڈر یوسف اعوان کا کہنا ہے کہ مالی مشکلات پیش آئیں تو ترجمان حکومت سندھ و میئر سکھر ارسلان شیخ نے بھرپور تعاون کیا۔ انہوں نے حکومت سے تعاون کی درخواست کی ہے تاکہ وہ مستقبل میں پاکستان کے لیے مزید کامیابیاں سمیٹ سکیں۔
واضح رہے کہ یوسف اعوان نے 2021 میں باڈی بلڈنگ کے مقابلوں میں مسٹر سندھ کا ٹائٹل جیتا تھا۔ انہوں نے ساؤتھ ایشیا چمپیئن شپ میں تیسری پوزیشن حاصل کی تھی۔
