پاکستان تحریک انصاف (پی ٹی آئی) کے احتجاج اور پرتشدد واقعات کے بعد انفارمیشن گروپ کے سول سرونٹ ملازم نے استعفیٰ دے دیا۔ سرکاری افسر سلمان شاہ راشدی نے استعفے کی وجہ سرکار کی جانب سے پی ٹی آئی کارکنان پر تشدد اور اختیارات کا بے دریغ استعمال قرار دیا۔
My Resignation! @GovtofPakistan @MoIB_Official @PTIofficial pic.twitter.com/x7gSDb1MYe
— Suleman Shah Rashdi (@RashdiSuleman) November 27, 2024
سلمان شاہ راشدی نے سوشل میڈیا اکاؤنٹ ایکس پر اپنا استعفیٰ پوسٹ کیا جس میں لکھا تھا کہ وہ ملک میں جاری تشویشناک صورتحال سے مکمل مایوسی کے بعد سول سروس آف پاکستان سے اپنا استعفیٰ پیش کرتے ہیں۔
مزید پڑھیں: پی ٹی آئی احتجاج، پمز اسپتال اور پولی کلینک میں کتنی لاشیں اور زخمی پہنچے؟
انہوں نے لکھا کہ وہ کل رات ریاستی جارحیت کے درمیان غیر مسلح مظاہرین کو اپنی جانوں کے لیے بھاگتے ہوئے دیکھ کر بے حد پریشان ہیں۔ اب یہ ضمیر کی بات بن چکی ہے کہ اس نظام کا حصہ نہیں بنیں گے جو اپنے ہی لوگوں پر بلاوجہ جارحیت کرتا ہے۔ اور اشرافیہ کے مفادات کی تکمیل کے لیے کام کرتا ہے۔
آج کے دِل سوز مناظر دیکھ کر میں اِس حکومت اور اِسکی نوکری پر لعنت بھیجتا ہوں۔ میں سول سروس سے استعفا دینے کا اعلان کرتا ہوں! @PTIofficial @GovtofPakistan @MoIB_Official
— Suleman Shah Rashdi (@RashdiSuleman) November 26, 2024
سلمان راشدی نے لکھا کہ ان کے پاس 2 آپشنز ہیں ایک یہ کہ اس نظام کا حصہ بن کر خاموشی اختیار کرلیں یا پھر اس حکومت اور اس کے نظام سے علیحدگی اختیار کرلیں۔ تاہم، اپنے ہی لوگوں کے خلاف طاقت کے وحشیانہ استعمال کو دیکھتے ہوئے انہوں نے تاریخ کے دائیں جانب کھڑے ہونے کے لیے دوسرا آپشن اختیار کرنے کا فیصلہ کیا ہے۔
Public message from a Government servant for @ImranKhanPTI voters@ImranKhanPTI @ThePowerOfPTI
مجھے ہے حکمِ اذاں، لاالہ الا اللہ pic.twitter.com/p8lIMScHsc
— Suleman Shah Rashdi (@RashdiSuleman) February 6, 2024
انہوں نے پاکستان کے میڈیا کو بھی اس صورتحال کا ذمہ دار ٹھہراتے ہوئے کہا کہ اس میڈیا کی مذمت کرتا ہوں جو شہریوں کی حالت زار پر آنکھیں بند کیے ہوئے ہے اور اس کے برعکس ریاستی جارحیت میں معاون کے طور پر کام کر رہا ہے۔
یہ بھی پڑھیں: سرکاری افسر کو سیاسی بیان مہنگا پڑگیا، 120 روز کے لیے معطل
خیال رہے اس سے قبل بھی سلمان شاہ راشدی کو الیکشن کمیشن پاکستان نے سیاسی امیدواروں کے حق میں مہم چلانے پر معطل کردیا تھا۔ انفارمیشن گروپ کے 18ویں گریڈ کے افسر پیر سلیمان شاہ راشدی نے بانی پی ٹی آئی عمران خان کے حق میں ووٹ دینے کی ویڈیو بنا کروائرل کی تھی۔
الیکشن کمیشن نے پیر سلیمان شاہ راشدی کو عوام کو مخصوص پارٹی کے امیدواروں کو ووٹ دینے کی ترغیب دینے پر فی الوقت 120 روز کے لیے معطل کیا تھا۔
