خیبرپختونخوا کے قبائلی ضلع شمالی وزیرستان میں ٹریفک حادثے کے بعد پاک فوج نے بروقت ریسکیو آپریشن کرکے قیمتی جانوں کو بچا لیا۔
یہ بھی پڑھیں پاکستان آرمی کا اسکردو میں ریسکیو آپریشن جاری
رپورٹ کے مطابق شمالی وزیرستان میں سیدگئی کے قریب مسافر کوچ گہری کھائی میں جا گری جس کے نتیجے میں ایک شخص جاں بحق جبکہ 10 مسافر زخمی ہوگئے۔
پاک فوج نے فوراً ریسکیو آپریشن کرتے ہوئے زخمی مسافروں کو کھائی سے نکال کے ابتدائی طبی امداد فراہم کی اور ریسکیو اداروں کی مدد کرتے ہوئے قریبی اسپتال منتقل کردیا۔
واقعہ کی اطلاع ملتے ہی پاک فوج کا ریسکو اینڈ پیرامیڈیکل اسٹاف جائے حادثہ پر پہنچا اور زخمیوں کی مدد کی۔
یہ بھی پڑھیں پاکستان کیخلاف افغانستان سے لائے گئے غیرملکی اسلحے کا استعمال، ثبوت پھر منظرعام پر
پاک فوج کے پیرامیڈیکل اسٹاف نے زخموں کو ابتدائی طبی امداد فراہم کرکے ڈی ایچ کیو اسپتال بنوں روانہ کیا، امدادی کارروائی میں پاک فوج کے ساتھ ریسکو 1122 کی ٹیم بھی موجود تھی۔
علاقے کے لوگوں نے بروقت ریسکو آپریشن اور امداد پر پاک فوج کا شکریہ ادا کیا۔
