پاکستان تحریکِ انصاف (پی ٹی آئی) کے احتجاجی مظاہرے کے دوران ڈی چوک پر کنٹینرز پر موجود ایک شخص کی ویڈیو وائرل ہوئی تھی جسے نماز پڑھنے کے دوران کنٹینر سے گرایا جا رہا تھا جس پر حکومت کو شدید تنقید کا نشانہ بنایا جاتارہا۔
پاکستان مسلم لیگ(ن) کے سینیٹر طلال چوہدری نے نجی ٹاک شو میں گفتگو کرتے ہوئے کہا ہے کہ کنٹینر سے جس بندے کو گرایا گیا بالکل ٹھیک گرایا گیا اسے سوچ سمجھ کر جانا چاہیے تھا۔ ان کا یہ بیان وائرل ہوا تو صارفین کی جانب سے انہیں خوب تنقید کا نشانہ بنایاگیا۔ سحرش مان لکھتی ہیں کہ طلال چوہدری کی جانب سے بہت ہی شرمناک بیان دیاگیاہے۔
کنٹینر سے جس بندے کو گرایا گیا بالکل ٹھیک گرایا گیا۔ سوچ سمجھ کر جانا چاہیے تھا، طلال چوہدری کا شرمناک بیان pic.twitter.com/AZzHbKwgGO
— Sehrish Maan (@SMunirMaan) December 12, 2024
ایک ایکس صارف نے کہا کہ اب بندہ پوچھے کہ مسلم لیگ ن نے ریاست کس چیز کا نام رکھا ہوا ہے، انہوں نے سوال کیا کہ ریاست میں بندے کو کنٹنیر سے گرانے کی ذمہ داری تھی یا پکڑ کر کسی حوالات میں بند کرنے اور بعد میں کسی عدالت میں پیش کرنے کی تھی۔
ڈی چوک میں بندے کو کنٹینر سے گرا کر ریاست نے ٹھیک کیا۔ طلال چوہدری
اب بندہ پوچھے کہ انہوں نے ریاست کس چیز کا نام رکھا ہوا ہے کیا ریاست میں بندے کو کنٹنیر سے گرانے کی ذمہ داری تھی یا پکڑ کر کسی حوالات میں بند کرنے اور بعد میں کسی عدالت میں پیش کرنے کی۔
pic.twitter.com/9c0ZkKlYBr— 🇬🇧سپورٹس مین🇵🇰 (@aminshergoraya) December 12, 2024
ایک صارف نے طلال چوہدری کے بیان پر تبصرہ کرتے ہوئے لکھا کہ اللہ کے ہاں دیر ہے اندھیرنہیں۔
کمنٹ کے لیے الفاظ نہیں
آللہ تعالیٰ کے ہاں دیر ہے لیکن اندھر نہیں ۔
— ZubairYousafzai (@ZubairYousafza4) December 12, 2024
واضح رہے کہ چند سوشل میڈیا صارفین نے یہ دعوی بھی کیا گیا تھا کہ یہ شخص کنٹینر پر نماز پڑھ رہا تھا جس کے دوران رینجرز اہلکاروں نے اسے کنٹینر سے گرا دیا، جس وجہ سے اس کی جان چلی گئی۔ بعد ازاں اس شخص نے وزیر اعلیٰ خیبر پختونخوا سے ملاقات کی، اس ملاقات کے بعد طاہر عباس کے کنٹینر سے گرنے سے جان جانے کی افواہیں دم توڑ گئی ہیں۔
