قومی کرکٹ ٹیم کے مایہ ناز آل راؤنڈر عماد وسیم نے انٹرنیشنل کرکٹ سے ریٹائرمنٹ کا اعان کردیا ہے۔
انہوں نے اپنی ریٹائرمنٹ کا اعلان سماجی رابطے کی ویب سائٹ ’ایکس‘ پر ایک پوسٹ کے ذریعے کیا۔
یہ بھی پڑھیں: سابق کپتان سرفراز احمد نے کرکٹ سے ریٹائرمنٹ کا فیصلہ کرلیا؟
اپنی پوسٹ میں انہوں نے کرکٹ شائقین اور اپنے مداحوں کو مخاطب کرتے ہوئے کہا، ’کافی سوچ بچار کے بعد میں نے بین الاقوامی کرکٹ سے ریٹائرمنٹ کا فیصلہ کیا ہے۔‘
عماد وسیم نے اپنے پیغام میں مزید کہا، ’عالمی سطح پر پاکستان کی نمائندگی کرنا میری زندگی کا سب سے بڑا اعزاز اور گرین جرسی پہننا ہر لمحہ ناقابل فراموش رہا ہے۔‘
To all fans & supporters:
After much thought and reflection, I have decided to retire from international cricket. Representing Pakistan on the world stage has been the greatest honor of my life, and every moment wearing the green jersey has been unforgettable.Your unwavering…
— Imad Wasim (@simadwasim) December 13, 2024
آل راؤنڈر عماد وسیم نے کہا، ’آپ کی غیرمتزلزل حمایت، محبت اور جذبہ ہمیشہ میری سب سے بڑی طاقت رہا ہے، میرے (کیریئر کے) نشیب و فراز میں آپ کی حوصلہ افزائی نے مجھے اپنے پیارے ملک کے لیے اپنی بہترین کارکردگی کا مظاہرہ کرنے کی ہمت دی۔
یہ بھی پڑھیں: نیوزی لینڈ کے فاسٹ بولر ٹم ساؤتھی نے ٹیسٹ کرکٹ سے ریٹائرمنٹ کا اعلان کیوں کیا؟
عماد وسیم نے کہا، ’اب جب کہ یہ باب اپنے اختتام کو پہنچ رہا ہے، میں ڈومیسٹک اور فرنچائز کرکٹ کے ذریعے کرکٹ میں اپنا سفر جاری رکھنے کے لیے پرعزم ہوں اور مجھے یقین ہے کہ (بطور کھلاڑی) آپ کی امیدوں پر پورا اترتا رہوں گا، ہر چیز کے لیے آپ کا شکریہ پاکستان۔‘
View this post on Instagram
واضح رہے کہ عماد وسیم کرکٹ ورلڈ کپ 2023 کے اسکواڈ کا حصہ نہیں تھے اور انہوں نے نومبر 2023 میں انٹرنیشنل کرکٹ سے ریٹائرمنٹ کا اعلان کر دیا تھا۔ بعد ازاں، رواں برس مارچ میں انہوں نے ریٹائرمنٹ واپس لینے کا اعلان کیا تھا۔
عماد وسیم نے سوشل میڈیا پر ایک پیغام جاری کرتے ہوئے لکھا کہ پی سی بی کے آفیشلز سے ملاقات کے بعد میں نے اس بات پر غور کیا کہ کیوں نہ ریٹائرمنٹ واپس لے لوں۔
I am happy to announce that pursuant to meeting PCB officials, I have reconsidered my retirement and am delighted to declare my availability for Pakistan cricket in T20i format leading up to ICC T20i World Cup 2024.
I would like to thank the PCB for reposing trust in me and I…
— Imad Wasim (@simadwasim) March 23, 2024
سوشل میڈیا پر ایک پیغام میں انہوں نے لکھا تھا کہ پی سی بی کے آفیشلز سے ملاقات کے بعد میں نے اس بات پر غور کیا کہ کیوں نہ ریٹائرمنٹ واپس لے لوں۔ انہوں نے اپنے پیغام میں کہا کہ میں نے ریٹائرمنٹ واپس لے لی ہے اور اب قومی ٹیم کے لیے دستیاب ہوں گا۔
