دمشق میں موجود ترکیہ کے سفارتخانہ 12 سال بعد آج سے پھر کھل جائے گا۔
ترکیہ کے وزیر خارجہ حاقان فیدان کے مطابق دمشق میں ترک سفارت خانہ آج سے فعال ہو جائے گا۔
یہ بھی پڑھیں:ترک انٹیلیجنس چیف کا 13 سال بعد شام کا دورہ، تاریخی مسجد میں نوافل ادا کیے
دمشق میں ترکیہ کے سفارتخانے کا عبوری چارج ڈی افیئرز کی ذمہ داری برہان کھور اوغلو کو سونپی گئی ہے۔ برہان کھور اوغلو اس قبل موریطانیہ میں ترکیہ کے سفیر کے طور پر فرائض انجام دے رہے تھے۔
ترکیہ میں براہ راست نشریات میں حکومتی ایجنڈا پیش کرتے ہوئے وزیر خارجہ حاقان فیدان کا کہنا ہے کہ کھور اوغلو اور ان کی ٹیم دمشق گئی ہے اور سفارت خانہ فعال ہوجائے گا۔
یہ بھی پڑھیں:شامی صدر بشارالاسد نے ملک میں آخری چند گھنٹے کیسے گزارے؟
واضح رہے کہ شام کے دارالحکومت دمشق میں ترک سفارت خانہ 2012 تک اپنی سرگرمیاں جاری رکھے ہوئے تھے، تاہم بشارالاسد حکومت کی جانب سے اپنے عوام کیخلاف پُرتشدد کاررائیوں کے بعد ترکیہ نے 26 مارچ 2012 کو دمشق میں اپنی سفارتی سرگرمیاں بند کر دی تھیں۔
تاہم استنبول میں شام کے قونصلیٹ جنرل نے اپنی سرگرمیاں جاری رکھی تھیں۔
