مشیر اطلاعات خیبرپختونخوا بیرسٹر ڈاکٹر سیف نے کہا ہے کہ آج شہدائے ڈی چوک کو خراج عقیدت کے لیے دعائیہ تقریبات منعقد ہوں گی۔ مرکزی دعائیہ تقریب باغِ ناران، حیات آباد، پشاور میں منعقد کی جائے گی۔ نہتے کارکنوں کا خون ملک میں آئین و قانون کی بحالی کا پیش خیمہ ثابت ہوگا۔
مزید پڑھیں: ڈی چوک میں پی ٹی آئی کے احتجاج کے دوران حراست میں لیے گئے 39 افراد رہائی کے بعد پھر گرفتار
بیرسٹر ڈاکٹر سیف کا کہنا تھا کہ آج شہدا کے خون کا حساب لینے کا عزم بھی کیا جائے گا۔ شہدا کے خون کے ایک ایک قطرے کا حساب لیا جائے گا۔ جعلی حکومت کو جواب دینا ہوگا کہ گولی کیوں چلائی؟
مزید پڑھیں: ’ڈی چوک کے کنٹینر سے بندے کو گرا کر ٹھیک کیا گیا‘، طلال چوہدری کا بیان وائرل
انہوں نے کہا کہ نہتے کارکنوں کا خون رائیگاں نہیں جائے گا۔ معصوم کارکنوں کا خون بہانا شریف خاندان کا وتیرہ بن چکا ہے۔ ماڈل ٹاؤن میں حاملہ خواتین پر سیدھی گولیاں چلائی گئیں۔ ہر دور میں اپنے اقتدار کو طول دینے کے لیے معصوم شہریوں کا خون بہایا گیا۔
