مقبول پاکستانی یوٹیوبر اور سوشل میڈیا کی مشہور شخصیت رجب بٹ گزشتہ دنوں رشتہ ازدواج سے منسلک ہوئے اور تب سے ہی خبروں کی زینت بنے ہوئے ہیں۔ان کی شادی پر دوست، احباب نے بے تحاشا پیسے لٹائے جس کی ویڈیوز سوشل میڈیا پر بھی کافی وائرل ہورہی ہیں۔
تحائف اور سلامی کی اَن باکسنگ
رجب بٹ کی شادی پر انہیں مہنگے تحائف ملے اور کچھ تحائف تو ایسے تھے جنہوں نے ان کو جیل کی سیر بھی کرادی۔
یہ بھی پڑھیں:بنا لائسنس کلاشنکوف، شیر کا بچہ رکھنے پر ٹک ٹاکر کی گرفتاری و ضمانت پر رہائی
گزشتہ روز جیل سے رہا ہونے اور عدالت سے ضمانت ملنے کے بعد انہوں نے یوٹیوب پر پہلا وی لوگ اپلوڈ کیا جس میں انہوں نے شادی پر ملنے والے تحائف اور سلامی سے متعلق اپنے ناظرین کو بتایا۔
قیمتی تحائف
رجب بٹ کو ملنے والے تحائف میں قابل ذکر تحفہ ایک عدد شیر کا بچہ اور رائفل ہے جس کی وجہ سے لاہور پولیس نے کارروائی کرتے ہوئے ان کو گرفتار کیا اور بعد میں شخصی ضمانت پر رہا کردیا۔
اس کے علاوہ قیمتی تحائف کی بات کی جائے تو اس میں ان کے دوست احباب کی طرف سے مکمل عمرہ پیکج، 24 کیرٹ گولڈ پلیٹڈ آئی فون 16، سونے کے زیوارات، ڈالرز سے بھرا گلدستہ، انٹرنیشنل برینڈز کے مہنگے پرفیومز اور مہنگی گھڑیاں شامل ہیں۔
یہ بھی پڑھیں:’رقم کہاں سے آئی ایف بی آر تحقیقات کرے‘، دولت کی نمائش پر یوٹیوبر رجب بٹ تنقید کی زد میں
اپنے وی لاگ میں سلامیوں کی اَن باکسنگ کرتے ہوئے رجب بٹ نے ملک کے مشہور یوٹیوبرز اور ٹک ٹاکرز کی جانب سے دی گئی سلامیاں دکھائی، جس میں ڈکی بھائی، عروب جتوئی، ندیم مبارک، سسٹرولوجی کی اقرا کنول، زرناب خان سواتی اور دیگر کے نام لیے جنہوں نے لاکھوں روپوں کی سلامی دی۔
ٹک ٹاکر کنول آفتاب اور ان کے شوہر ذوالقرنین اسکندر نے ڈالرز سے بھرا گلدستہ سلامی میں دیا۔
گورنر سندھ کے بیٹے کا تحفہ
اس کے علاوہ گورنر سند ھ کامران خان ٹیسوری اور ان کے بیٹے کی جانب سے 3 لاکھ روپے کی سلامی دی گئی جبکہ سب سے زیادہ ٹک ٹاکر ندیم مبارک نے 20 لاکھ روپے چیک کی صورت سلامی دی۔
واضح رہے کہ یوٹیوب کی جانب سے 2024 میں پاکستان کی ٹاپ ٹرینڈنگ ویڈیوز کی فہرست جاری کی گئی تھی جس میں رجب بٹ پاکستان میں رواں سال سب سے زیادہ ٹاپ ٹرینڈنگ ویڈیوز والے یوٹیوبر بن گئےہیں۔ ان کے یوٹیوب پر 4.7 ملین سبسکرائبرز ہیں جبکہ ان کے انسٹاگرام فالوورز کی تعداد 11 لاکھ ہے۔
