سوشل میڈیا پر ان دنوں معروف یوٹیوبر رجب بٹ کی شادی کے چرچے ہو رہے ہیں جنہوں نے اپنی شادی کی تقریبات میں دولت کی بڑھ چڑھ کر نمائش کی ہے۔
جہاں رجب بٹ کے مداح ان کی شادی سے خوش ہو رہے ہیں وہیں ناقدین بے جا دولت کی نمودو نمائش پر تنقید کر رہے ہیں صارفین نے رجب بٹ کی ڈھولکی کی ویڈیو شیئر کرتے ہوئے خوب تنقید کی جس میں وہ اپنی اہلیہ ایمان کے اوپر پیسے پھینک رہے ہیں۔
ایک صارف نے لکھا کہ ہمیں اس کلچر کو ختم کرنے کی ضرورت ہے جس میں خواتین کے اوپر پیسے نچھاور کیے جا رہے ہوں، ان کا کہنا تھا کہ ایک خاتون وہاں آرام سے بیٹھ کر ایسا کیسے ہونے دے سکتی ہے؟ افسوس کا اظہار کرتے ہوئے صارف نے کہا کہ کوئی بھی غیرت مند اور باوقار عورت وہاں بیٹھنا برداشت نہیں کرے گی جب اس کے سر پر پیسہ پھینکا جا رہا ہو۔
This culture needs to end. I just can’t comprehend how this woman could sit there and allow this to happen.
I’m sorry, but no self-respecting and dignified woman would tolerate sitting there while money is being thrown on her head.
Disgusting to say the least. pic.twitter.com/Uq0oUoV6ia
— ع (@Lahorewali_) December 12, 2024
ایک صارف نے لکھا کہ ان کی خواہش ہے کہ ہجوم میں سے کوئی کھڑا ہو کر ان کو بتائے کہ پیسوں کو یوں پھینکنا درست نہیں ہے اور غیر اسلامی ہے۔
This culture is flaunting of wealth when you actually have got none. I hope someone from the crowd to stand up and tell them this is not ok and un-Islamic.
— 804 ka sipahi (@haqeeqiazaadi3) December 12, 2024
ایک ایکس صارف نے لکھا کہ اس جاہلانہ اور غلامانہ کلچر کو ختم ہونا چاہیے انسان نے جو بھی صدقہ خیرات کرنی ہو اس کو دکھانے سے مقصد فوت ہو جاتا ہے جو باقی رہ جاتا ہے وہ صرف دکھاوا اور طاقت کا نشہ ہے۔
اس جاہلانہ اور غلامانہ کلچر کو ختم ہونا چاہئے انسان نے جو بھی صدقہ خیرات کرنی ہو اسکو دکھانے سے مقصد فوت ہو جاتا ہے جو رہ جاتا ہے وہ دکھاوا ہے طاقت کے نشے کا
— Amra Younus (@AmraYounus) December 12, 2024
عثمان نواز لکھتے ہیں کہ یہ صرف جہالت ہے اور کچھ نہیں۔
جہالت ہے اور کچھ نہیں۔
— Usman Nawaz (@usman_n93) December 13, 2024
ایک صارف نے رجب بٹ کی ویڈیو پر تبصرہ کرتے ہوئے لکھا کہ حرام کا پیسہ ایسے ہی اڑایا جاتاہے۔
haram ka maal aisey hi uraya jaata hai
— twinkle 💫||🇵🇸 (@ChilliNameless) December 12, 2024
ایک صارف نے رجب بٹ کو آڑے ہاتھوں لیتے ہوئے کہا کہ جتنے مرضی پڑھ لکھ جائیں لیکن ایسی ہی حرکتیں کرنی ہوں تو معاشرہ ترقی نہیں کر سکتا اور اگر شعور نہ آیا تو ملک اگلے 77 سال بھی اسی حالت میں رہے گا جیسا آج ہے۔
اس معاشرے میں جتنے پڑھ جاو علم لے لو ایسی حرکتیں کرنی تو معا شرہ کیسے اوپر جاے ۔شعور آے گا تو بات بنے گی وگرنہ ایسی حرکتیں اگلے 77 سال بھی ھوتی رھیں تو ایسا ھی رھنا ملک۔۔۔۔ https://t.co/7EEs3gAiHv
— MBI (@mubi_ibrar) December 13, 2024
کئی صارفین کا کہنا تھا کہ پیسوں کی یہ کہانی اب پورا مہینہ چلے گی جبکہ متعدد صارفین ایسے بھی تھے جو یہ کہتے نظر آئے کہ رجب بٹ کو آخر یہ رقم کہاں سے مل رہی ہے ایف بی آر کو اس کی تحقیقات کرنی چاہیئں۔
واضح رہے کہ یوٹیوب کی جانب سے 2024 میں پاکستان کی ٹاپ ٹرینڈنگ ویڈیوز کی فہرست جاری کی گئی تھی جس میں رجب بٹ پاکستان میں رواں سال سب سے زیادہ ٹاپ ٹرینڈنگ ویڈیوز والے یوٹیوبر بن گئےہیں۔ ان کے یوٹیوب پر 4.4 ملین سبسکرائبرز ہیں جبکہ ان کے انسٹاگرام فالوورز کی تعداد1.1 ملین ہے۔
