وفاق المدارس نے مدارس بل کی راہ میں روڑے اٹکانے کے خلاف ملک بھر میں عوامی رابطہ مہم شروع کرنے کا فیصلہ کرلیا۔
معروف عالم دین مفتی تقی عثمانی کی زیرصدارت وفاق المدارس کی مجلس عاملہ کے اجلاس میں اتحاد تنظیمات مدارس دینیہ کے فیصلوں اور مؤقف کی توثیق کی گئی۔
یہ بھی پڑھیں مدارس بل کی منظوری کے لیے حکومت کو مولانا فضل الرحمان کی ڈیڈ لائن، مدارس بل ہے کیا؟
اجلاس میں فیصلہ کیا گیا ہے کہ جمعہ کے اجتماعات اور مدارس کے سالانہ پروگراموں میں عوام کو مؤقف سے آگاہ کیا جائےگا۔
مجلس عاملہ نے مطالبہ کیاکہ مدارس رجسٹریشن بل ایکٹ بن چکا ہے، لہٰذا فی الفور گزٹ نوٹیفکیشن جاری کیا جائے، ہمیں مدارس کے معاملات میں رکاوٹیں اور تاخیری حربے قبول نہیں۔
مجلس عاملہ نے کہاکہ مدارس کے تمام حقیقی بورڈز اور تنظیمیں ایک پیج پر ہیں، جملہ مسائل فوری حل کیے جائیں۔
مجلس عاملہ نے کہاکہ تمام مکاتب فکر کی باہمی مشاورت سے مشترکہ اور متفقہ لائحہ عمل کا اعلان کیا جائےگا۔
وفاق المدارس کی مجلس عاملہ نے تعلیمی اور امتحانی امور پر بھی متعدد فیصلے کیے، اجلاس میں جے یو آئی کے امیر مولانا فضل الرحمان نے بطور خاص شرکت کی۔
یہ بھی پڑھیں مدارس بل ایکٹ بن چکا، گزٹ نوٹیفکیشن جاری کیا جائے،اتحاد تنظیمات مدارس دینیہ
واضح رہے کہ مدارس بل پر صدر مملکت کے اعتراضات کے بعد گزشتہ روز اتحاد تنظیمات مدارس کے اجلاس میں کہا گیا ہے کہ صدر نے مقررہ وقت کے بعد اعتراضات عائد کیے ہیں، جن کی کوئی حیثیت نہیں، ایسی صورت میں بل ایکٹ بن چکا ہے، لہٰذا گزٹ نوٹیفکیشن جاری کیا جائے۔
