چیف جسٹس پاکستان جسٹس یحییٰ آفریدی کے ملک کے دور دراز اضلاع کے دورے جاری ہیں۔
رجسٹرار سپریم کورٹ کی جانب سے جاری اعلامیے کے مطابق چیف جسٹس پاکستان جسٹس یحییٰ آفریدی نے سندھ کے ضلع گھوٹکی کا دورہ کیا ہے، دورے کے دوران چیف جسٹس نے ڈسٹرکٹ اینڈ سیشنز ججز سے ملاقات کی، چیف جسٹس نے گھوٹکی اور ملحقہ اضلاع کی بار ایسوسی ایشنز کے نمائندوں کے ساتھ بھی ملاقات کی۔
یہ بھی پڑھیں:چیف جسٹس پاکستان یحییٰ آفریدی کے ملک کے دور دراز علاقوں کا وزٹ جاری، گوادر جیل کا بھی دورہ
چیف جسٹس یحییٰ آفریدی نے اس موقع پر گفتگو میں کہا کہ سپریم کورٹ ملک کے دور دراز اور پسماندہ اضلاع کے بارے میں فکر مند ہے، ہر سطح پر انصاف کی فراہمی ججز کی آئینی ذمہ داری ہے۔
چیف جسٹس آف پاکستان یحیی خان آفریدی سیشن کورٹ گھوٹکی پہنچ گئےاس موقع پر سیکیورٹی کے سخت انتظامات کیے گئے ہیں گھوٹکی اسٹیشن روڈ پر عام ٹریفک کی روانی کو روک دیا گیا ہے pic.twitter.com/xsmhrCU8YV
— Exact Press International (@ExactPressIntl) December 18, 2024
چیف جسٹس نے کہا کہ ضلعی عدلیہ نظام انصاف کے بارے میں عوامی تاثر کو تشکیل دیتی ہے، ضلعی عدلیہ نظام پر اعتماد پیدا کرنے یا اسے ختم کرنے میں ایک اہم کردار ادا کرتی ہے، عدالت آنے والے سائلین کے ساتھ انسانیت اور احترام کے ساتھ پیش آنا چاہیے۔
یہ بھی پڑھیں: چیف جسٹس یحییٰ آفریدی نے کراچی جیل اصلاحات کے لیے ذیلی کمیٹی تشکیل دیدی
جسٹس یحییٰ آفریدی نے کہا کہ عدالتیں انصاف کے طلبگاروں کے لیے امید اور انصاف کی کرن ہیں، عدالتی عملے کے لیے محفوظ و سازگار ماحول فراہم کرنے کے لیے جامع اقدامات کیے جائیں گے۔
اعلامیے میں بتایا گیا ہے کہ چیف جسٹس نے گھوٹکی میں وکلا کی سہولت کے لیے ویڈیو لنک کی سہولت متعارف کرانے کی تجویز پیش کی، وڈیو لنک سے جغرافیائی رکاوٹوں کو ختم کیا جائے گا اور انصاف تک رسائی میں بہتری آئے گی۔
یہ بھی پڑھیں: جسٹس یخییٰ آفریدی کو چیف جسٹس کیوں بنایا گیا؟ وجہ سامنے آگئی
چیف جسٹس نے بار ایسوسی ایشنز کے نمائندوں کے تحفظات دور کیے اور انہیں ان کی شکایات حل کرنے کی یقین دہانی کروائی۔
