منشیات اسمگلر سنیل یادو کو کیلیفورنیا امریکا میں گولی مار کر قتل کر دیا ہے جس کی ذمہ داری لارنس بشنوئی گینگ نے قبول کر لی ہے۔
ذرائع کے مطابق بین الاقوامی منشیات اسمگلر سنیل یادیو کو 2 دن قبل لارنس بشنوئی کے شوٹروں نے کیلیفورنیا میں گولی مار کر ہلاک کر دیا تھا۔ مسلح حملہ آور ان کے گھر میں گھس گئے تھے اور امریکا میں مقیم گینگسٹر گولڈی برار اور روہت گودارا نے سوشل میڈیا پر ان کے قتل کی ذمہ داری قبول کی ہے۔
یہ بھی پڑھیں: گینگسٹر لارنس بشنوئی نے دشمنی ختم کرنے کے لیے سلمان خان سے کتنی رقم کا مطالبہ کیا؟
لارنس بشنوئی گینگ کا حصہ جانے جانے والے روہت گودارا اور گولڈی برار نے ایک بیان میں کہا ہے’ ہم اس قتل کی مکمل ذمہ داری قبول کرتے ہیں‘۔ انہوں نے مزید کہا کہ سنیل یادو نے ہمارے بھائی انکت بھدو کا انکاؤنٹر میں مارنے کے لیے پنجاب پولیس کی مدد کی تھی اور ہم نے اس کا بدلہ لے لیا ہے۔ انکت بھادو کی انکاؤنٹر میں موت میں اس کا نام سامنے آنے پر سنیل یادو ملک سے فرار ہو گیا تھا اور امریکا میں ہمارے بھائیوں کے بارے میں معلومات بانٹ رہا تھا۔
واضح رہے کہ منشیات سمگلر سنیل یادو راجستھان میں متعدد مقدمات میں مطلوب تھا، سنیل یادو کو پاکستان کے راستے بھارت میں منشیات پہنچانے کے لیے جانا جاتا تھا اور اس کا نام 300 کروڑ روپے کی منشیات کی ضبط شدہ کھیپ سے متعلق ایک کیس میں بھی آیا تھا۔
