معروف اداکار، ہدایتکار اور پروڈیوسر شہریار منور اور اداکارہ ماہین صدیقی ازدواجی رشتے میں منسلک ہو گئے ہیں۔
دونوں نے 27 اور 28 دسمبر کی درمیانی شب نکاح کیا تھا جب کہ ان کی شادی کی تقریبات کا آغاز دسمبر کے وسط میں ہی ہوگیا تھا جن میں ڈھولکی، قوالی نائٹ، مہندی اور ہلدی جیسے فنکشن شامل تھے جنہیں صارفین کی جانب سے خوب پسند کیا جا رہا ہے۔ دونوں کی شادی کی تقریبات میں ماہرہ خان، احد رضا میر اور مومل شیخ سمیت بڑے اداکاروں نے شرکت کی اور ان کے ڈانس کی ویڈیوز بھی وائرل ہوئیں۔
شہریار منور اور ماہین صدیقی کی شادی میں روایتی سندھی رسم ’لانئوں‘ بھی ادا کی گئی۔ ’لانئوں‘ کی رسم نکاح کے بعد دلہن کی رخصتی کے وقت ادا کی جاتی ہے، جس میں دلہا اور دلہن کے سر ایک دوسرے سے ٹکرائے جاتے ہیں۔
View this post on Instagram
شادی کی تقریبات میں شہریار منور اور ماہین صدیقی کے لباس بھی توجہ کا مرکز رہے ہیں جن کی قیمت لاکھوں میں ہے۔ شوبز انڈسٹری کی اس نئی جوڑی نے اپنے نکاح کے موقع پر کریم اور سنہری رنگ کے ملبوس زیب تن کیے ہوئے تھے۔
View this post on Instagram
ماہین صدیقی نے اپنی بارات کے روز گولڈن رنگ کا خوبصورت اور کامدار لہنگا چولی زیب تن کیا جبکہ شہریار منور نے اپنی بارات پر لال رنگ کا پرنس کوٹ پہنا تھا۔
View this post on Instagram
میڈیا رپورٹس کے مطابق ماہین صدیقی نے اپنی زندگی کے سب سے خوبصورت دن پر جو عروسی لباس زیب تن کیا اس کی قیمت 60 لاکھ روپے بتائی جارہی ہے، عروسی جوڑا پاکستانی ڈیزائنر فراز منان نے لباس ڈیزائن کیا تھا۔
شہریار منور نے 31 دسمبر کو اپنی دلہن ماہین صدیقی کے ہمراہ ولیمے کی تصاویر شیئر کیں اس موقع پر ماہین نے روایتی سرخ عروسی لباس پہنا جبکہ شہریار منور نے سیاہ رنگ کا انتخاب کیا۔
View this post on Instagram
صارفین کو اپنی پسندیدہ فنکار جوڑی کے انداز خوب بھائے۔ سوشل میڈیا پر اس جوڑی کی نکاح، بارات اور ولیمے کی لُک کی تعریفیں کی جا رہی ہیں۔ یاد رہے کہ اداکارہ ماہین صدیقی گلوکار و اداکار اذان سمیع خان کی کزن اور اداکارہ زیبا بختیار کی بھانجی ہیں۔
