پاکستان اسٹاک مارکیٹ میں جمعرات کوتیزی کا رحجان برقرار رہا اور کے ایس ای 100 انڈیکس 111.57 پوائنٹس کے اضافے کے بعد ایک لاکھ 17 ہزار 119 پوائنٹس پر بند ہوا۔
یہ بھی پڑھیں: نئے سال کے پہلے روز پاکستان اسٹاک ایکسچینج میں نیا ریکارڈ قائم
اے پی پی کے مطابق مجموعی طور پر 463 کمپنیوں کے حصص کا لین دین ہوا۔ 192 کمپنیوں کے حصص کی قیمتوں میں اضافہ، 225 کی قیمتوں میں کمی اور 46 کمپنیوں کے حصص کی قیمتوں میں کوئی ردوبدل نہیں ہوا۔
کاروباری سرگرمیوں کے دوران 1037.86 ملین حصص کا لین دین ہواجن کی مالیت 46.57 ارب روپے تھی۔
کے ایس 30 انڈیکس 72.19 پوائنٹس کے اضافے کے بعد 36937.02 پوائنٹس اور اسلامی مالیات کا حامل کے ایم آئی 30 انڈیکس 609.20 پوائنٹس کے اضافہ کے بعد 181978.87 پوائنٹس پر بند ہوا۔ فیوچر ٹریڈنگ کے تحت 9.42 ارب روپے کے سودے طے پائے۔
مزید پڑھیے: اڑان پاکستان پروگرام نے پاکستان اسٹاک مارکیٹ پر کیسے مثبت اثرات ڈالے؟
گزشتہ روز فوجی فوڈز لمیٹڈکے 89478727 حصص،ورلڈ کال ٹیلی کام کے 72001410 حصص اور ٹیلی کارڈ لمیٹڈ کے 61073411 حصص کا لین دین ہوا۔ صدیق سنز ٹن پلیٹ لمیٹڈ،ایسکارٹ انویسٹمنٹ بینک اور ٹرائی سٹار پاور لمیٹڈ سرفہرست ایڈوانسر کمپنیاں رہیں، مارکیٹ کیپٹلائزیشن کا حجم 52.5 ارب ڈالر ریکارڈ کیا گیا۔
اس طرح حصص بازار میں جمعرات کو ایک اعشاریہ صفر 3 ارب شیئرز کے سودے 46.5 ارب روپے میں طے ہوئے۔ مارکیٹ کیپٹلائزیشن 32 ارب روپے کم ہوکر 14 ہزار 637 ارب روپے ہے۔
