جنوبی افریقہ نے پاکستان کو 2 ٹیسٹ میچوں کی سیریز کے دوسرے میچ میں 10 وکٹوں سے شکست دے کر کلین سوئپ کر دیا ہے، پاکستان نے جنوبی افریقہ کو فالوآن کے بعد کل 58 رنز کا ٹارگٹ دیا تھا جو جنوبی افریقہ نے بغیر کسی نقصان کے پورا کر لیا۔
پاکستان کے 194 اور 478 رنز کے بعد 58 رنز کی لیڈ کےجواب میں جنوبی افریقہ نے اپنی دوسری اننگز کا آغاز انتہائی جارحانہ انداز میں کیا، جنوبی افریقہ نے کھیل کے چوتھے روز ہی مطلوبہ ہدف بغیر کسی نقصان کے پورا کردیا، جنوبی افریقہ کے اوپنر بلے بازڈیوڈ بیڈنگھم نے 2 چھکوں اور 5 چوکوں کی مدد سے جارحانہ انداز میں کھیلتے ہوئے 30 گیندوں پر نا قابل شکست 47 رنز اسکور کیے جبکہ ایڈن مارکرم نے 14 رنز کی ناقابل شکست اننگز کھیل کر پاکستان کو سیریز میں کلین سوئپ کر دیا۔
پاکستان کی قومی ٹیم نے پہلی اننگز میں 194 رنز پر آؤٹ ہونے کے بعد فالوآن میں دوسری اننگز میں کپتان شان مسعود کی سینچری کی بدولت 478 رنز بنائے، فالو آن کا شکار پاکستانی ٹیم نے اتوار کو ہی اپنی دوسری اننگز کا آغاز کیا تھا۔
کپتان شان مسعود اور بابر اعظم نے گزشتہ روز 205 رنز کی شاندار شراکت قائم کرتے ہوئے ٹیسٹ تاریخ کی سب سے بڑی اوپننگ پارٹنرشپ کا نیا ریکارڈ قائم کیا تھا۔ ٹیسٹ میچ کے تیسرے روز فالوآن کے بعد اپنی دوسری اننگز میں پاکستان نے شان مسعود کی شاندار سینچری اور بابر اعظم کے 81 رنز کی بدولت 213 رنز بنائے تھے۔ بابراعظم 124 گیندیں کھیلنے کے بعد مارکو جینسن کی گیند پر ڈیوڈ بیٹنگھم کے ہاتھوں کیچ آؤٹ ہوگئے تھے۔
یپر کو پاکستان نے 2013 رنز کے اسکور سے اپنی اننگز کا آغاز کیا، خرم شہزاد نے کپتان شان مسعود کا بھرپور ساتھ دینے کی کوشش کی، تاہم 235 کے مجموعی اسکور پر وہ مارکو جینسن کی گیند پر کیشو مہاراج کے ہاتھوں کیچ آؤٹ ہوگئے۔ انہوں نے 47 گیندوں پر 3 چوکوں کی مدد سے 18 رنز بنائے۔ کامران غلام بھی زیادہ دیر وکٹ پر نہ ٹک پائے اور 278 کے مجموعی اسکور پر 42 گیندوں پر 28 رنز بنا کر کاگئسو ربادا کی گیند پر بولڈ ہوگئے۔
پاکستان کی چوتھی وکٹ 329 کے مجموعی اسکور پر گری جب سعود شکیل 23 رنز بنا کر کاگئسو ربادا کی گیند پر ایڈن مارکرم کے ہاتھوں کیچ آؤٹ ہو گئے، پانچویں وکٹ بھی 329 کے مجموعی اسکور پر گری جب کپتان شان مسعود145 رنز بنا کر ایل بی ڈبلیو آؤٹ ہو گئے، چھٹی وکٹ 417 کے مجموعی اسکور پر گری جب محمد رضوان 41 رنز پر آؤٹ ہو گئے، ساتویں وکٹ 441 کے مجموعی اسکور پر گری جب سلمان آغا 48 رنز کی اننگز کھیل کر آؤٹ ہوئے۔
پاکستان کی آٹھویں وکٹ 478 کے مجموعی اسکور پر گری جب عامر جمال 34 رنز بنا کر آؤٹ ہو گئے، نویں وکٹ بھی 478 کے مجموعی اسکور پر گری جب میر حمزہ 16 رنز بنا کر آؤٹ ہو گئے، محمد عباس نے کوئی رنز اسکور نہیں کیا تاہم وہ آؤٹ نہیں ہوئے۔
جنوبی افریقہ کی جانب سے کاگئسو ربادا اور کشیو مہاراج نے 3، 3 جبکہ مارکو جانسن نے 2 اور کوینا ماپھاکا نے ایک وکٹ حاصل کی۔
تیسرے دن کا کھیل
کھیل کے تیسرے روز فالوآن کے بعد ریکارڈز کو توڑنے والی شان مسعود اور بابراعظم کی شراکت داری نے پاکستان کو اپنی پہلی اننگز میں صرف 194 رنز پر آؤٹ ہونے کے بعد فائٹ بیک فراہم کیا۔ دونوں اوپنرز کی 205 رنز کی شراکت نے نہ صرف فالو آن کے دباؤ کو کم کیا بلکہ میزبان ٹیم کے سیریز میں کلین سویپ کے خواب کو بھی معدوم کر دیا تھا۔
شان مسعود کی شاندار سینچری، ٹیسٹ کرکٹ میں ان کی چھٹی سینچری اور بابر اعظم کے 81 رنز جن میں 10 چوکے شامل تھے، نے جنوبی افریقہ کو بیک فٹ پر رکھنے میں اہم کردار ادا کیا۔ طویل عرصے سے ٹیسٹ سینچری بنانے کی راہ پر گامزن بابراعظم 81 رنز پر ایک غیر معقول شارٹ کھیلتے ہوئے آؤٹ ہو گئے۔ شان مسعود کے ساتھ ان کی شراکت ٹیسٹ کرکٹ میں فالو آن اننگز میں اب تک کی سب سے بڑی اوپننگ شراکت تھی، جو کہ ایک نیا عالمی ریکارڈ ہے۔ اس سے قبل سب سے بڑی اوپننگ پارٹنرشپ کا پچھلا ریکارڈ 07۔20026میں یاسر حمید اور یونس خان کے درمیان 133 رنز کی شراکت کا تھا۔
ہفتے کو کھیل کے دوسرے روز کے اختتام تک پاکستان نے اپنی پہلی اننگز میں 3 وکٹوں کے نقصان پر 64 رنز بنائے تھے۔ بابراعظم اور محمد رضوان نے گزشتہ روز سے جاری اپنی پارٹنرشپ کو آگے بڑھا یا لیکن یہ زیادہ دیر قائم نہ رہ سکی، 118 کے مجموعی اسکور پر بابر اعظم پویلین لوٹ گئے۔ انہوں نے 127 گیندوں پر 58 رنز بنائے اور کیوانا مپھاکا کی گیند پر کائل ویرین کے ہاتھوں کیچ آؤٹ ہوگئے۔
بابر اعظم کے بعد محمد رضوان بھی زیادہ دیر وکٹ پر نہ ٹک پائے، 144 کے مجموعی اسکور پر انہوں نے بھی واپسی کی راہ لی اور 82 گیندوں پر 46 رنز بنا کر ویان ملڈر کی گیند پر کلین بولڈ ہوگئے۔ 155 کے مجموعی اسکور پر سلمان آغاز 22 گیندوں پر 19 رنز بنا کر کیشو مہاراج کی گیند پر کائل ویرین کے ہاتھوں اسٹمپ آؤٹ ہوگئے۔
پاکستان کی ساتویں وکٹ 172 کے مجموعی اسکور پر گری جب عامر جمال 15 رنز پر کاگئسو ربادا کی گیند پر ڈیوڈ بیڈنگھم کے ہاتھوں کیچ آؤٹ ہو گئے، آٹھویں وکٹ 194 کے مجموعی اسکور پر گری جب میرحمزہ کیشو مہاراج کی گیند پر ڈیوڈ بیڈنگھم کے ہاتھوں کیچ آؤٹ ہوئے، نویں وکٹ بھی 194 کے مجموعی اسکور پر گری جب خرم شہزاد 14 رنز بنا کر کیوانا مپھاکا کی گیند پر ٹرسٹن اسٹبز کے ہاتھوں کیچ آؤٹ ہو گئے۔
جنوبی افریقہ کی جانب سے کاگئسو ربادا نے 3 جبکہ کیوانا مپھاکا اور کیشو مہاراج نے 2 ، 2 کھلاڑیوں کو آؤٹ کیا، مارکو جانسن اور ویان مولڈر نے ایک ایک وکٹ حاصل کی۔
دوسرے دن کا کھیل:
پاکستان نے اپنی پہلی اننگز کا آغاز کیا تو اس کی پہلی وکٹ ہی محض 2 رنز کے مجموعی اسکور پر گر گئی جب کپتان شان مسعود 2 رنز پر کاگئسو ربادا کی گیند پر ڈیوڈ بیڈنگھم کے ہاتھوں کیچ آؤٹ ہو گئے۔
یہ بھی پڑھیں: دوسرا ٹیسٹ: ریان رکیلٹن کی شاندار بیٹنگ، پہلے روز جنوبی افریقہ کے 316 رنز، 4 کھلاڑی آؤٹ
پاکستان کی دوسری وکٹ بھی محض 18 کے مجموعی اسکورپر گر گئی جب کامران غلام کو 12 رنز مارکو جانسن نے کلین بولڈ کر دیا، تیسری وکٹ 20 کے مجموعی اسکور پر گری جب سعود شکیل صفر پر کاگئسو ربادا کی گیند پر ڈیوڈ بیڈنگھم کے ہاتھوں کیچ آؤٹ ہو گئے۔
دوسرے روز جنوبی افریقہ کی پوری ٹیم اپنی پہلی اننگز میں 615 رنز بنا کر آؤٹ ہو گئی، جنوبی افریقہ کی جانب سے اوپنر بیٹر ریان رکیلٹن نے ڈبل سینچری کے ساتھ 259 رنز بنا کرپاکستان کے لیے رنز کا پہاڑ کھڑا کر دیا۔
جنوبی افریقہ نے اپنی پہلی اننگز کے دوسرے روز کا آغاز 316 رنز 4 کھلاڑی آؤٹ سے کیا، دوسرے روز کے کھیل میں جنوبی افریقہ نے اپنے ٹوٹل میں 300 رنز کا اضافہ کیا، اس طرح جنوبی افریقہ پہلی اننگز میں 616 رنز بنا کر آؤٹ ہو گئی۔
یہ بھی پڑھیں: پاکستان کے مایہ ناز بیٹسمین صائم ایوب انجری کا شکار کیسے ہوگئے؟
جنوبی افریقہ کی اننگز کی خاص بات ریان رکیلٹن کی ڈبل سینچری تھی جس میں ان کے 3 چھکے اور 29 چوکے شامل ہیں، اس کے علاوہ جنوبی افریقہ کے کپتان ٹیمبا باوما اور کائل ویرن نے بھی سینچریاں اسکور کیں۔ پہلے روز کے کھیل میں جنوبی افریقہ کی پہلی وکٹ 61، دوسری وکٹ 70 ، تیسری وکٹ72 جبکہ چوتھی وکٹ 307 کے مجموعی اسکور پر گری تھی ۔
ہفتے کے روز جب دوسرے روز کے کھیل کا آغاز ہوا تو جنوبی افریقہ نے اپنے مجموعی اسکور 316 میں صرف 7 رنز کا ہی اضافہ کیا تھا کہ اسے 5 ویں وکٹ سے بھی ہاتھ دھونا پڑا جب ڈیوڈ بیڈنگھم 19 گیندوں پر 5 رنز بنا کر محمد عباس کی گیند پر وکٹ کیپر محمد رضوان کے ہاتھوں کیچ آؤٹ ہوگئے۔
یہ بھی پڑھیں: ٹخنے میں فریکچر، صائم ایوب 6 ہفتے کے لیے کرکٹ کے میدان سے باہر
دوسرے روز کے کھیل میں جنوبی افریقہ کی چھٹی وکٹ 471 کے مجموعی اسکور پر گری جب کائل ویرین سینچری اسکور کرنے کے بعد آغا سلمان کی گیند پر عامر جمال کے ہاتھوں کیچ آؤٹ ہو گئے، جنوبی افریقہ کی ساتویں وکٹ 557 کے مجموعی اسکور پرگری جب ریان رکیلٹن 259 رنز کی انفرادی اننگز کھیلنے کے بعد میر حمزہ کی گیند پرمحمد رضوان کے ہاتھوں کیچ آؤٹ ہو گئے۔
جنوبی افریقہ کی آٹھویں وکٹ 572 کے مجموعی اسکور پر گری جب مارکو جانسن 62 رنز بنا کر میر حمزہ کی گیند پر بابراعظم کے ہاتھوں کیچ آؤٹ ہو گئے، نویں وکٹ 614 کے مجموعی اسکور پر گری جب کیشو مہاراج 40 رنز پر خرم شہزاد کی گیند پر محمد رضوان کے ہاتھوں کیچ آؤٹ ہو گئے۔
یہ بھی پڑھیں: سینچورین ٹیسٹ: جنوبی افریقہ نے پاکستان کو 2 وکٹوں سے شکست دے دی
جنوبی افریقہ کی دسویں وکٹ 615 کے مجموعی اسکور پر گری جب کوینا مافاکا کو محمد عباس سے صفر پر کلین بولڈ کر دیا، کاگئسوربادا نے 6 رنز بنائے اور آؤٹ نہیں ہوئے۔ پاکستان کی جانب سے محمد عباس اور سلمان آغا نے 3 ، 3 جبکہ میر حمزہ اور عامر جمال نے 2،2 کھلاڑیوں کو آؤٹ کیا۔
پہلے دن کا کھیل:
جمعہ کو نیولینڈز، کیپ ٹاؤن میں کھیلے جانے والے دوسرے ٹیسٹ میچ کے پہلے روز جنوبی افریقہ کے کپتان ٹیمبا باوما نے ٹاس جیت کر پہلے کھیلنے کا فیصلہ کیا، اگرچہ ابتدا میں جنوبی افریقہ کے 3 کھلاڑی یکے بعد دیگرے آؤٹ ہوئے تو ٹیم قدرے مشکلات کا شکار ہوئی تاہم ریان رکیلٹن اور کپتان ٹیمبا باوما پاکستانی بولرز کے سامنے دیوار بن کر کھڑے ہو گئے، دونوں نے شاندار سینچریاں اسکور کیں۔
جنوبی افریقہ کی پہلی وکٹ 61 کے مجموعی اسکور پر گری جب ایڈن مارکرم 17 رنز پر خرم شہزاد کی گیند پر محمد رضوان کے ہاتھوں کیچ آؤٹ ہو گئے، دوسری وکٹ بھی جلد ہی 70 کے مجموعی اسکور پر گری جب ویان مولڈر 5 رنز پر محمد عباس کی گیند پر محمد رضوان کے ہاتھوں کیچ آؤٹ ہو گئے۔
جنوبی افریقہ کی تیسری وکٹ بھی محض 2 رنز کے اضافے کے بعد 72 کے مجموعی اسکور پر گر گئی جب ٹرسٹن اسٹبس بھی صفر پر سلمان آغا کی گیند پر محمد رضوان کے ہاتھوں کیچ آؤٹ ہو گئے، چوتھی وکٹ 307 کے مجموعی اسکور پر گری جب کپتان ٹیمبا باوما شاندار سینچری اسکور کرنے کے بعد 106 رنز بنا کر سلمان آغا کی گیند پر محمد رضوان کے ہاتھوں کیچ آؤٹ ہو گئے۔ جنوبی افریقہ کی اننگز کی سب سے خاص بات ریان رکیلٹن کی شاندار ناقابل شکست 176 رنز کی اننگز ہے۔
پہلے روز کے کھیل میں پاکستان کی جانب سے سلمان آغا نے 2 جب کہ محمد عباس اور خرم شہزاد نے ایک ایک وکٹ حاصل کی۔ پاکستان کی جانب سے محمد رضوان نے ایک ہی اننگز میں 6 کیچ پکڑ کر شاندار وکٹ کیپنگ کا مظاہرہ کیا۔
جنوبی افریقہ کے خلاف دوسرے ٹیسٹ کے لیے قومی ٹیم میں ایک تبدیلی کی گئی ہے، فاسٹ بولر نسیم شاہ کو ڈراپ کرنے کا فیصلہ کیا گیا ہے اور ان کی جگہ فاسٹ بولر میر حمزہ کو ٹیم میں شامل کیا گیا ہے۔ پروٹیز کو پاکستان کے خلاف ٹیسٹ سیریز میں 0-1 کی برتری حاصل ہے۔
پاکستان پلیئنگ الیون:
کپتان شان مسعود، صائم ایوب، بابر اعظم، کامران غلام، سعود شکیل، محمد رضوان، سلمان آغا، عامر جمال، خرم شہزاد، محمد عباس، میر حمزہ
جنوبی افریقہ پلیئنگ الیون:
ایڈن مارکرم، ریان ریکلٹن، کپتان ٹیمبا بوومالیڈ، ٹرسٹن اسٹبز، ویان ملڈر، ڈیوڈ بیڈنگھم، کائل ویرین، مارکو جینسن، کیشو مہاراج، کاگیسو ربادا، کیوانا مپھاکا
