وزیر اعظم ہاؤس میں یونیورسٹی بنانے کا اعلان ہو یا گورنر ہاؤس کو عام عوام کے لیے کھولنے کے دعوے ، سیاسی رہنماؤں کی جانب سے عوام میں مقبولیت کے لیے اکثر سرکاری عمارتوں کو عام عوام کے لیے وقف کرنے کے اعلانات کیے جاتے ہیں لیکن ان پر عملدرآمد کم ہی نظر آتا ہے۔ ایسی ہی ایک خبر اس وقت سماجی رابطوں کی ویب سائٹ ٹوئٹر پر گردش کر رہی ہے جس کے مطابق چلاس کے نیو کمشنر ہاؤس کو خواتین کے ہاسٹل میں تبدیل کیا جائے گا۔
معروف صحافی مبشر زیدی نے مائیکرو بلاگنگ ویب سائٹ پر ٹوئٹ کرتے ہوئے لکھا اچھا اقدام.۔ چلاس میں نئے کمشنر ہاؤس کو RHQ کے ڈاکٹروں اور KIU کے اساتذہ کے لیے خواتین کے ہاسٹل میں تبدیل کیا جائے گا۔
Good move……..New Commissioner House in Chilas to be converted into a women hostel for doctors of RHQ and teachers of KIU #GilgitBaltistan pic.twitter.com/h0HRzQjQ6N
— Mubashir Zaidi (@Xadeejournalist) April 16, 2023
مبشر زیدی کی ٹوئٹ کے جواب میں صارفین نے تبصروں کا انبار لگا دیا ، کسی صارف کو یہ ایک سیاسی بیان لگا تو کسی نے اس اقدام کو الیکشن میں ووٹ حاصل کرنے کے لیے ایک سٹریٹجی کہا، اسی حوالے سے ایک صارف نے مبشر زیدی سے سوال کیا کہ کیا یہ ایک سیاسی قیادت کا فیصلہ ہے؟ جس کے جواب میں مبشر زیدی نے کہا نہیں۔
Is it political leadership decision?
— U. (@systemforpoor) April 16, 2023
تبصروں کا سلسلہ مزید آگے بڑھا تو چوہدری خان نامی صارف نے لکھا کہ یہ وزیر اعلیٰ گلگت بلتستان کے احکامات پر چیف سیکرٹری گلگت بلتستان محی الدین وانی نے کیا اور آج صبح ٹاؤن ہال چلاس میں تقریب سے خطاب کے دوران اعلان کیا۔ محی الدین وانی نے تعلیم اور صحت کے شعبے میں انقلابی تبدیلیاں لائی ہیں اور ان کو وزیراعلیٰ کی بھی بھرپور سپورٹ حاصل ہے۔
جی یہ وزیر اعلی گلگت بلتستان بلتستان کے احکامات پر چیف سیکرٹری گلگت بلتستان محی الدین وانی نے کیا اور آج صبح ٹاؤن ہال چلاس میں تقریب سے خطاب کے دوران اعلان کیا۔
محی الدین وانی نے تعلیم اور صحت کے شعبے میں انقلابی تبدیلیاں لائیں ہے وزیر اعلی کا بھی بھرپور سپورٹ حاصل ہے— Choudri_Khan (@Choudri_Khan333) April 16, 2023
کمشنر ہاؤس کی عمارت کو دیکھتے ہوئے ایک صارف نے دلچسپ تبصرہ کرتے ہوئے لکھا یہ کمشنر ہاؤس ہے یا شاہی محل
یہ کمشنر ہاؤس ہے یا شاہی محل
— J D (@Mjunaid10565338) April 16, 2023
گفتگو مزید آگے بڑھی تو کچھ صارفین گلگت بلتستان کے تعلیمی معیار کی تعریف کرتے ہوئے دکھائی دیے اسی حوالے سے ایک صارف لکھتے ہیں کہ ان کی شرح خواندگی باقی پاکستان سے بہتر ہے۔ یہ تعلیم ہی کی ایک مثال ہے۔
They have better literacy rate than rest of the Pakistan. This is an example of education.
— Yasir (@Yasiraslam92) April 16, 2023
صارفین کا کہنا تھا کہ گلگت بلتستان کی طرح پورے پاکستان میں سرکاری عمارتوں کو عوام کی فلاح و بہبود اور ان کی آسانی کے لیے استعمال کیا جانا چاہیے۔
