پاکستان اور ویسٹ انڈیز کے درمیان 2 ٹیسٹ میچوں کی سیریز کے لیے ٹکٹوں کی فروخت کل (بروز جمعہ) سے ہوگی۔
پاکستان کرکٹ بورڈ کے مطابق پاکستان اور ویسٹ انڈیز کے درمیان 2 ٹیسٹ میچوں کی سیریز کے لیے ٹکٹوں کی فروخت 10 جنوری (بروز جمعہ) دوپہر 12 بجے سے ملتان کے 11 ٹی سی ایس سینٹرز پر ہوگی۔
پی سی بی کے مطابق شائقین 17 سے 29 جنوری تک ہونے والے 2 ٹیسٹ میچوں کے دوران ملتان کرکٹ اسٹیڈیم کے فرسٹ کلاس (وسیم اکرم اور الٰہی برادران) اور جنرل (حنیف محمد اور مشتاق احمد) انکلوژرز سے مفت ایکشن دیکھ سکتے ہیں۔
دونوں ٹیسٹ میچوں کے لیے پی سی بی گیلری (انضمام الحق) کے ٹکٹ صرف 500 روپے میں فروخت کے لیے دستیاب ہوں گے، وی آئی پی انکلوژرز، جن میں فضل محمود اور عمران خان اسٹینڈز شامل ہیں، 150 روپے کے ٹکٹوں کے ساتھ قابل رسائی ہوں گے۔
دونوں ٹیسٹ کے لیے پریمیم انکلوژرز (جاوید میانداد اور ظہیر عباس) کے ٹکٹوں کی قیمت 100 روپے ہوگی۔
ملتان قزافی چوک، گلگشت، مال روڈ، گلشن مارکیٹ، بوسن روڈ، واپڈا ٹاؤن، ممتاز آباد، چونگی نمبر 1 اور گارڈن ٹاؤن اور چوک رشید آباد میں ٹی سی ایس ایکسپریس سینٹرز سے ٹکٹوں کی فروخت ہوگی۔
