ریکھا اور امیتابھ بچن کے افیئر پر جیا بچن کیا کہتی ہیں؟

اگرچہ بالی ووڈ کے شہنشاہ امیتابھ بچن اور لیجنڈری اداکارہ جیا بچن کی شادی کو 51 سال ہوچکے ہیں، لیکن سماجی حلقوں سے میڈیا تک سبھی یہ قیاس آرائیاں جاری رکھے ہوئے ہیں کہ آیا امیتا کا ریکھا سے تعلق ہے یا نہیں۔

دونوں بڑے اداکاروں یعنی امیتابھ بچن اور ریکھا کی جانب سے ہر طرح کی مسلسل تردید کے باوجود، اس میں کوئی شک نہیں کہ بالی ووڈ میں کسی اور رشتے کی افواہ اتنی دیر یا اتنی شدت سے چلی ہوں۔

یہ بھی پڑھیں: جیا بچن سے شادی کرنے کے لیے امیتابھ بچن نے کیا شرائط رکھی تھیں؟

درحقیقت، جیا بچن خود بھی کئی بار اس سوال کا سامنا کر چکی ہیں، تاہم، پیپل میگزین کے ساتھ 2008 کے انٹرویو کے دوران ان کا ردعمل اس کی وضاحت اور ان کے اپنے یقین کے لیے نمایاں تھا۔

جب ان سے امیتابھ اور ریکھا کے مبینہ افیئر کے بارے میں پوچھا گیا تو ان کا کہنا تھا کہ اگر ایسا ہوتا تو وہ یعنی امیتابھ کہیں اور ہوتے، لوگوں نے انہیں اسکرین پر ایک جوڑے کے طور پر پسند کیا، اور یہ ٹھیک ہے۔

’میڈیا نے انہیں (امیتابھ کو) ان کی ہر ہیروئن سے جوڑنے کی کوشش کی، اگر میں اس سب کو سنجیدگی سے لیتی تو میری زندگی جہنم بن جاتی، ہم سخت چیزوں سے بنے ہیں۔‘

جیا بچن سے یہ بھی پوچھا گیا کہ کیا وہ امیتابھ بچن اور ریکھا کے دوبارہ ایک ساتھ کام کرنے پر اعتراض کریں گی، جس پر انہوں نے سختی سے جواب دیا کہ وہ ایسا نہیں کریں گی۔

’میں کیوں اعتراض کروں؟ لیکن مجھے لگتا ہے کہ یہ اصل کام سے زیادہ سنسنی خیز ہوگا اور یہ افسوس کی بات ہے کیونکہ ان دونوں کو ایک ساتھ دیکھنے کا موقع ضائع ہوجائے گا، دونوں (اداکاروں) کو شاید احساس ہے کہ یہ کام سے آگے بڑھ جائے گا۔‘

اس کے بارے میں کہ انہوں نے ایک پائیدار شادی کو کیسے برقرار رکھا، جیا بچن نے وضاحت کی کہ صرف انہیں اکیلا چھوڑ کر، آپ کو اپنے اوپر یقین ہونا چاہیے۔ ’میں نے ایک اچھے آدمی اور ایک ایسے خاندان میں شادی کی جو کمٹمنٹ پر یقین رکھتا ہے۔

’آپ کو خاص طور پر ہمارے پیشے میں، جہاں آپ جانتے ہیں کہ چیزیں آسان نہیں ہوں گی، آپ کو بہت زیادہ مالک نہیں بننا چاہیے، آپ یا تو فنکار کو دیوانہ بنا سکتے ہیں یا آپ اس کی ترقی میں معاون ومددگار بن سکتے ہیں اور اگر وہ چلا گیا تو وہ کبھی تمہارا نہیں تھا۔‘

اسکرین کے اب تک کے سب سے پسندیدہ جوڑوں میں سے ایک، امیتابھ بچن اور ریکھا نے کئی فلموں میں کام کیا جن میں دو انجانے (1976)، الاپ (1977)، خون پسینہ (1977)، گنگا کی سوگندھ (1978) اور مقدر کا سکندر (1978) شامل ہیں۔

اس کے علاوہ مسٹر نٹور لال (1979)، سہاگ (1979)، رام بلرام (1980) اور سلسلہ (1981) میں بھی دونوں اداکار مد مقابل تھے، تاہم، یش چوپڑا کی ہدایت کاری میں 43 سال قبل بننے والی فلم سلسلہ کے بعد سے، جس میں جیا بچن نے بھی اہم کردار ادا کیا تھا، دونوں نے ایک ساتھ کام نہیں کیا ہے۔‘

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں