چینی سفیر جیانگ زائیڈونگ نے نائب وزیراعظم و وزیرخارجہ اسحاق ڈار سے ملاقات میں دونوں مُلکوں کے چہار موسمی تذویراتی شراکت داری کے بارے میں اپنے عزم کا اعادہ کیا جو دونوں ملکوں کے درمیان دوطرفہ تعلقات کا بنیادی نقطہ ہے۔
یہ بھی پڑھیں: سال 2024 نائب وزیراعظم و وزیر خارجہ اسحاق ڈار کے 20 غیر ملکی دورے
ملاقات میں پاک چین اقتصادی راہداری کے منصوبے 2.0 کا جائزہ لیا گیا جو کہ معاشی تعاون کے فروغ اور رابطہ کاری کا اہم منصوبہ ہے، دونوں ملکوں نے باہمی تعاون کو نئی بلندیوں تک لے جانے اور تذویراتی شراکت داری کو مزید مضبوط کرنے کے عزم کا اظہار کیا۔
https://twitter.com/ForeignOfficePk/status/1884152587747754280
چینی سفیر نے چینی وزیر خارجہ کی جانب سے اسحاق ڈار کو نیویارک میں ہونے والے اقوام متحدہ کی سلامتی کونسل کی اعلیٰ سطحی تقریب میں شرکت کی دعوت دی، 18 فروری کو متوقع مذکورہ اجلاس کی میزبانی اقوام متحدہ کی سلامتی کونسل کے سربراہ کی حیثیت سے چین کرے گا۔
مزید پڑھیں: مراکش کشتی حادثہ: اسحاق ڈار کی حکام کو متاثرین کی فوری اور مؤثر معاونت کی ہدایت
وزیر خارجہ اسحاق ڈار نے دعوت نامہ قبول کرتے ہوئے پاکستان کے کثیر الجہتی عزم کا اعادہ کیا، اجلاس کا عنوان ’کثیرالقومیتی طرزِعمل، اصلاحات اور عالمی نظامِ حکومت میں بہتری‘ ہے۔
