وفاقی وزیر خزانہ محمد اورنگزیب نے چیمبر آف کامرس پشاور کی طرف سے منعقدہ ایک تقریب سے خطاب کرتے ہوئے کہا کہ ایف بی آر میں انسانی مداخلت کم کرکے ٹیکنالوجی متعارف کرانے سے کرپشن کم ہوگی۔
ان کا کہنا تھا کہ پوری کوشش کررہے ہیں ایف بی آر میں اعتماد اور شفافیت بحال کی جائے، کوئی یہ نہ کہے کہ میں ایف بی آر سے سے ڈیل کرنا نہیں چاہتا۔
یہ بھی پڑھیے: ہمیں اپنی معیشت کا ڈی این اے تبدیل کرنا ہے، وزیر خزانہ محمد اورنگزیب
وزیر خزانہ کا کہنا تھا کہ پوری کوشش کررہے ہیں کہ ایف بی آر میں شفافیت لائی جائے، ٹیکس پالیسی کو ایف بی آر سے نکالا ہے جو اب فنانس ڈویژن میں ہوگی تاکہ یہ نہ ہو کہ ہر سال ٹیکس پالیسی میں تبدیلی آئے، ایف بی آر اب صرف ٹیکس محصولات تک محدود ہوگا۔
محمد اورنگزیب نے کہا کہ ٹیکس کی شرح اور بجلی کی زیادہ قیمتیں کاروباری حضرات کے مسائل ہیں، فنانسنگ قیمتوں کو الحمداللہ کم کردیا ہے، آئندہ بجٹ کے لیے تاجروں سے تجاویز لیں گے۔
یہ بھی پڑھیے: وفاقی وزیر خزانہ نے تنخواہ دار طبقے کو خوشخبری سنادی
ان کا کہنا تھا کہ کوشش کررہے ہیں کہ اپنے اخراجات کم کریں، کچھ وزارتیں اور محکموں کو بند کررہے ہیں جبکہ کچھ اداروں کو ضم کررہے ہیں، اخراجات کم کرنے کے لیے یہ سب کرنا ہوگا۔
